“Минионууд: Грюгийн Сэргэн Мандалт” 2022 оны 07 сарын 01-ний өдөр нээлтээ хийнэ

2022-06-10 17:17:12

Үзэгчдийн хайр хүндлэлийг хүртсэн “Минионууд” хүүхэлдэйн киноны 2 дугаар анги удахгүй нээлтээ хийнэ. Олон нийтэд цацагдсан трэйлерт Грюгийн шадар гурван минионууд болох Боб, Кевин, Стюарт нарын илүү бүтэлгүй, сахилгагүй шинэ адал явдлууд нь кино сонирхогчдын анхаарлыг татаад байна.

Ото нэрт шинэ минион гарч ирэх ба дугуйгаар уул хад, тал хээр, гол мөрөн, говь цөлийг туулан хадан хясааг хүртэл төвөггүй давж, сэргэлэн цовоогоор уралдаж байгаа нь хайр татам. Түүгээр зогсохгүй минионуудын бяцхан босс 12 настай хөвгүүн Грю нь шадар гурван минионуудтай агуу хорон үйлийг бүтээхээр зэхдэг.

“Минионууд: Грюгийн Сэргэн Мандалт” хүүхэлдэйн кинонд минионууд шинэчлэгдэн үнэхээр хайр татам, илүү шинэ, хөгжилтэй адал явдлыг харуулах ажээ.

Мөн “Минионууд” цуврал нь “Despicable Me” цувралын охин бүтээл хийгээд хүүхэлдэйн киноны алдарт "Illumination Entertainment"-ийн шилдэг франчайз юм. 2015 онд олны хүртээл болсон “Минионууд” кино нь дэлхийн 44 улсын бокс оффист 1-рт бичигдэж, 1.1 тэрбум долларын орлого олсон байдаг. 

“Минионууд : Грюгийн Сэргэн Мандалт” хүүхэлдэйн кино нь 2022 оны 07 сарын 01-нд нээлтээ хийнэ. 

Зургийн эх сурвалж: Universal pictures