“Black Adam” киноны гол постер цацагдлаа Супер баатрын дүрд Дуэйн Жонсон...

2022-09-20 10:39:43

“Галзуу хурд”, “Жуманжи” зэрэг цувралуудад тоглосон Холливудын тулаант киноны од Дуэйн Жонсон DCEU -ийн кино “Black Adam” киноны гол дүрд сонгогдож, үзэгчдийн анхаарлыг ихэд татаж байна.

Тус кино нь 5000 жилийн өмнөх эртний Кандак хотын боолоос хэнд ч дийлэгдэшгүй нэгэн болсон ба өөрийн аргаар шударга ёсыг тогтоохын тулд тулалдаж буй тухай өгүүлэх тулаант блокбастер кино юм. Олон нийтэд цацагдсан гол постерт урьд хожид харж байгаагүй шинэ төрлийн баатар, Блэк Адам болсон Дуэйн Жонсоны хүчирхэг харц олны анхаарлыг татаж байна.

Мөн “Циклон(Квинтесса Суинделл)”, “Хоукмен(Элдис Хож)”, “Доктор Фейт(Пирс Броснан)”, “Атом Смашер(Ной Сентинео)” гээд DC-ийн баатрын “Justice Society” багийн бүрэлдэхүүн анх удаа олон нийтэд дэлгэгджээ.

Түүнчлэн олон нийтэд дэлгэсэн гол трэйлерт хүүгийнхээ үхэхийг хараад юу ч хийж чадаагүй Блэк Адамын эмгэнэлт түүхтэй хамт “Хүү минь намайг аврахын тулд өөрийн амиа золиосолсон” гэж намуухан хэлэх тэрхүү үгсийн цаана асар их уур хилэн буцлах ажээ.

5000 жилийн дараа, хэн ч зогсоож үл чадах нэгэн болсон Блэк Адам нь гайхалтай бяр чадалтай, сумнаас өөрийгөө хамгаалдаг, нисдэг, мөн өөрөөсөө цахилгаан гаргадаг бөгөөд тэрээр DC-ийн түүхэн дэх маш хүчирхэг сөрөг дүр аж. Их шидтэн Доктор Фейтээр ахлуулсан шударга ёсны төлөө тэмцэгч байгууллагын гишүүд нэг нэгээрээ гарах ба DC-ийн баатруудын шинэ баг ямар байх нь сонирхол татаж байна.

“Black Adam” кино 2022 оны 10-р сарын 21-ний өдөр нээлтээ хийнэ. 

Зургийн эх сурвалж: Warner bros