Кевин Файги “Black Panther: Wakanda Forever” кинонд Чадвик Боузманы оронд өөр хүн тоглуулахаас илүүтэйгээр ...”

2022-10-10 04:54:33

Марвел студийн тэргүүн Кевин Файги MCU-ийн “Black Panther: Wakanda Forever” кинонд Чадвик Боузманы оронд тоглох жүжигчнийг сонгон шалгаруулаагүй талаар тайлбар өгчээ. Кевин Файги саяхан өгсөн “Empire” сэтгүүлийн ярилцлагадаа Чадвик Боузманы оронд өөр хүн тоглуулахаас илүүтэйгээр түүнийг санан дурсах нь чухал байсан хэмээжээ.

Тэрээр “Өөр жүжигчнийг сонгон шалгаруулах нь хэтэрхий эрт мэт санагдсан. Стэн Ли үргэлж Марвел бол гаднах ертөнцийг төлөөлдөг гэж хэлдэг байсан. Мөн тэрээр манай дүр, түүх хэчнээн гайхалтай, уран яруу болох, түүнчлэн хүний мөн чанарыг хэрхэн өгүүлж байгаа талаар ярьсан” хэмээн тайлбарласан байна. 

Улмаар “Дэлхий урьдын адил Чадвикийн орон зайг үгүйлж, Райан Куглер тэрийг нь өөрийн зохиолдоо шингээсэн” хэмээн нэмж хэлжээ. 2016 онд “Ахмад Америк: Иргэний дайн” кинонд Хар Ирвэсийн дүрийг бүтээн анх MCU-тэй нэгдсэн Чадвик Боузман 2020 оны 8-р сарын 28-ны өдөр бүдүүн гэдэсний хорт хавдраар өөд болсон билээ.

“Black Panther: Wakanda Forever” кинонд тоглох гэж байсан тэрээр гэнэт ертөнцийн мөнх бусыг үзүүлсний улмаас Марвел студи киноны зохиолоо нэлээн өөрчлөх хэрэгтэй болсон. Тиймд 2022 оны 5-р сард нээлтээ хийх байсныг 2022 оны 11-р сар болгож хойшлуулсан. Кевин Файги “Бид “Дараа нь юу хийх вэ” гэж их ярилцдаг байсан. Мөн Чадвикийг үргэлжлүүлэн кинонд мөнхөлж болох болов уу гэж ярилцдаг байсан.” хэмээн уламжилжээ.

“Black Panther: Wakanda Forever” кино 2022 оны 11-р сарын 11-ний өдөр нээлтээ хийнэ. 

Зургийн эх сурвалж: Disney