Хайр татам, эрэлхэг зоригтой “Гуталт Муур” -ын шинэ анги кино театруудын дэлгэцнээ

2022-11-23 07:26:55

“DreamWorks” студийн домогт дүр Гуталт Мууртай “Гуталт Муур 2” киногоор дахин кино театруудын том дэлгэцээр уулзах гэж байна. 2022 оны 12-р сарын 29-нд нээлтээ хийхээр болсон “Гуталт Муур 2” кино нь (найруулагч Жоэл Кроуфорд) дэлхий дахинаа шилдэгт бичигдсэн “Гуталт Муур”(2011) киноны үргэлжлэл юм.

“Гуталт Муур” нь “Шерк” цувралаас “DreamWorks” студийн дүрийн үзэл баримтлалын хүрээг амжилттай тэлж чадсан бол 11 жилийн дараа шинэ түүхээр дэлгэцнээ эргэн ирж буй домогт дүр нь цоо шинэ адал явдлын ертөнцөөр аялуулах болно.

“Гуталт Муур 2” кинонд есөн амьтай байсан Гуталт Муур (Антонио Бандерас) үлдсэн ганц амиа дэнчин тавьж, санаанд оромгүй адал явдлыг эхлүүлэх тухай өгүүлэх ажээ. Олон нийтэд цацагдсан постерт чухал гол дүрүүд сүр жавхлантайгаар эргэн ирж байгаагаа мэдэгддэг. 

Албан ёсны постертой хамт олон нийтэд цацагдсан эхний трэйлерт Сэлэмт муужгай, Зальт шар, Өхөөрдөм луйварчин гэж дуудагдаж, бүгдийн сэтгэлийг догдлуулагч, олны хайр хүндлэлийг хүртсэн Гуталт Муур тосгон руу довтолсон аварга биеттэй тулалдаж байгаа талаар гардаг. 

Гайхалтай сэлмийн эрдэм, онцгой тактикаар аварга биетийг хөнгөхөн бут цохих Гуталт Муур санамсаргүйгээр найм дахь амиа алдаж, үлдсэн ганц амиа дэнчин тавьж, гайхалтай адал явдлыг эхлүүлдэг. Ялангуяа “Гуталт Муур” цувралын гарын үсэг гэж хэлж болох хайр татам харцтай жүжиглэлт нь аль хэдийн үзэгчдийн сэтгэлийг хайлуулаад байна. Юу юунаас илүү энэхүү бүтээлд Гуталт Муур нь өөрийн төгс хамтрагч Китти(Сальма Хайек)-н хамт ямар тулаант, адал явдлыг үзэгчдэд хүргэх нь хүлээлт үүсгэж байна.

“Крүүдийнхэн: Шинэ Эрин Үе” киногоороо Умард Америкт 80-хан хоногт бокс оффисын оргилд хүрч байсан “DreamWorks” студийн дараа үеийн төлөөлөх Жоэл Кроуфорд найруулагчаар нь ажиллажээ. “DreamWorks” студийн 43 дахь бүтээл “Гуталт Муур 2” –тай 2022 оны 12-р сарын 29-ний өдөр кино театрт уулзацгаая.

Зургийн эх сурвалж: Universal pictures