“Хүн-Шоргоолж ба Хэдгэнэ: Квантуманиа” киногоо үзэхээс өмнө...

2023-02-18 04:43:35

Марвелын ертөнц шинээр нэг шат ахилаа. “Black Panther: Wakanda Forever”-оор 4-р үе дуусаж, дараагийн үед шилжиж байна. 5-р үе нь “Хүн-Шоргоолж ба Хэдгэнэ: Квантуманиа” киногоор эхэлж байна. Таван жилийн дараа нээлтээ хийж байгаа Хүн-Шоргоолжийн шинэ бүтээл “Хүн-Шоргоолж ба Хэдгэнэ: Квантуманиа” кинонд цаашид Марвелын ертөнцийг эзэгнэх хамгийн муу хорон санаатан Эзлэн түрэмгийлэгч Канг гарч ирж байна. “Хүн-Шоргоолж ба Хэдгэнэ: Квантуманиа” киног үзэхээс өмнөх үеэ хамтдаа санацгаая. 

5-р үеийн эхлэл

“Хүн-Шоргоолж ба Хэдгэнэ: Квантуманиа” кино нь “Хүн-Шоргоолж” цувралын 3 дахь кино бөгөөд Таносыг устгасны дараа Скотт Ланг (Пол Радд) нь гэр бүл, хамтрагч нарын хамт амар тайван, өөрийн амьдралын туршлагаасаа хуваалцан ном, зохиол бичин амьдарч байв. Харин түүний охин Кэсси квантын орон руу дохио илгээдэг төхөөрөмж бүтээснээр, Скотт, Хөүп, Жанет, Хэнк нар квантын оронд унадаг. Гарцгүй квантын оронд тэнүүлчилж явахдаа Хүн-Шоргоолжийн гэр бүлийнхэн Эзлэн түрэмгийлэгч Канг (Жонатан Мейжорс)-тай санаандгүй таардаг. “Хүн-Шоргоолж ба Хэдгэнэ: Квантуманиа” нь зөвхөн “Хүн-Шоргоолж”-ийн дараагийн анги бус шинэ үед шилжих болсон Марвелын таних тэмдэг болох юм. Тиймд Марвелын ертөнцийн хөнгөн, хөгжилтэй адал явдлыг түлхүү үзүүлж байсан “Хүн-Шоргоолж” нь өмнөх бүтээлээс өөр айдас түгшүүр төрүүлэм нэг шат ахисан бараан, хүнд уур амьсгалын ертөнц рүү үзэгчдийг урин дуудах болно. 

Полл Раддын гайхалтай дур булаам байдал

Хүн-Шоргоолжийг юу хүн-шоргоолж болгож байна вэ? Ямар нэгэн биетийн хэмжээг удирддаг төхөөрөмж л байхад хэн ч байсан хүн-шоргоолж болж чадах ба биеийн чадвар зэрэг бусад чадамжаар нь тооцож үзвэл Скотт Ланг нь адилхан төхөөрөмжтэй Хэдгэнээс чадвар муутай нэгэн. Тиймд Скотт Ланг Хүн-Шоргоолж болохоос өөр аргагүй байдаг шалтгаан нь Пол Раддын дур татам байдал юм. Пол Радд нь амьдралын асуудлаа биедээ хураасан, шууд гараад дэлгүүрээс авч болох энгийн хүрэмтэй жүжигчин. Бие нь эрүүл чийрэг харагддаг боловч нэг л уйтгартай байдаг нь улам дур татам гэлтэй. Пол Радд нь Марвелын хамгийн хүн чанар сайтай баатар Хүн-Шоргоолжийн дур татам байдлыг харуулж чадсан сонголт гэж хэлэхэд хилсдэхгүй. Мөн Хүн-Шоргоолж нь цуврал бүрд өсөн сайжирсаар байгаа дүр юм. Хүн-Аалз шиг залуу хүн өсөж сайжрах нь энгийн зүйл боловч, Скотт Ланг шиг дунд насны хүн өсөн сайжирч байгаа нь өрөвдмөөр юм шиг хэр нь хожимдсон тайтгарлыг өгөх ажээ.  

Квантын орон, Квантуманиа

“Энд олон ертөнц байна. Квантын оронд... ертөнц дотор өөр нэг ертөнц байдаг. Цаг хугацаа, орон зайн гадна. Манай дэлхийн дор нууц сансар огторгуй байна.” 30 жилийн турш квантын оронд гацсан Жанет Ван Дайн нь өөрөөс нь бусад үл мэдэх ертөнцийг өөр нэгэн сансар огторгуйгаар дүрсэлдэг. Марвелын ертөнц нь байнга л сансар огторгуйн тухай өгүүлсээр ирсэн. Марвелын 3-р үед сансар огторгуйн үүсэл ба тэнцвэрийн талаар өгүүлсэн бол 4-р үед олон ертөнц гэдэг үгээр ертөнцийг үзэх үзлийг улам өргөжүүлсэн. Харин энэ удаад квантын сансар огторгуй гэдэг өөр нэгэн ертөнцийг гол түлхүүрээ болгожээ. Квант нь ойлголтын хүрээнээс гадна бий болж буй үзэгдлийг харж, “ямар нэгэн зүйл болж байна” гэдгийг мэдүүлдэг шинжлэх ухаан юм. 5-р үед энэ квантын орныг бүрэн утгаар нь “төсөөлж” эхэлнэ. “Хүн-Шоргоолж ба Хэдгэнэ” (2018) –аас багахан хэсгийг харуулсан бол энэ удаад квантын орныг бүхэлд нь дүрслэх болно. “Квантын орон нь ертөнцийг үзэх үзлийн төгсгөл байх болно. Хот, соёл иргэншлийг бүтээгээд зогсохгүй түүн доторх зүй тогтол, түүхийг мөн бүтээж, түүний дараагаар тэр дотор олон төрлийн амьд биет, бүтээл, байгууламжаар дүүргэжээ. Цахилгаан микроскопын зургаас 70, 80-аад оны хүнд металл сэтгүүлийн зураг гээд маш олон газраас санаа авсан.” (Пейтон Рид найруулагч)

Эзлэн түрэмгийлэгч Канг

Эзлэн түрэмгийлэгч Канг нь Таносоос хойш Марвелын нэг багана байх болно. Канг нь цаг хугацаа, орон зайд үл захирагддаг нэгэн. Хүчирхэг гэдэг ойлголтыг даван бүтээлч, сонирхол татах хорон санаатан. Кангийн удирддаг хүч бол цаг хугацаа юм. Канг нь өнгөрсөн, одоо, ирээдүйд нэгэн зэрэг байж чаддаг, ер бусын байдлаар ертөнцийг хардаг. Кангийн дүрийг бүтээхээр болсон Жонатан Мейдорс энэ төвөгтэй дүрийн талаар “Би энэ киног хүн ба цаг хугацааны хамаарлыг харуулсан түүх, цаг хугацаа нь хүний харилцаанд хэрхэн нөлөөлж байгаа тухай өгүүлэх болно.” гэж тайлбарлажээ. Олон нийтэд цацагдсан трэйлерт өөр нэгэн хорон санаатан МОДОК ч бас гарч хүлээлт үүсгэж байна. Зарим гадны кинонд дурлагсад Канг гэж хэн болох, энэ дүрийг бүтээсэн Жонатан Мейдорсын харизмын талаар сайшаан магтаад эхэлжээ. 

Зургийн эх сурвалж: Disney