15 жилийн дараа эргэн ирсэн... Харрисон Форд “Индиана Жонс: Хувь Тавилангийн Хүрд”

2023-03-14 14:37:36

“Индиана Жонс: Хувь Тавилангийн Хүрд” нь домогт аялагч, археологич Индиана Жонс хувь тавилангийн дуудлагаар дахин шинэ адал явдалд гарч буйг харуулсан тулаант адал явдалт кино юм. Олон нийтэд цацагдсан танилцуулга трэйлерт Индиана Жонс домогт гардаг олдворыг хайн дэлхийн өнцөг булан бүрээр явж байсан өмнөх адал явдлуудаар үзэгчдийг алмайруулж, түүний хөгжилтэй, мөн хэцүү аяллуудыг харуулах ажээ.

Тус киноны нэрийн хуудас болсон бүрх малгай, ташуур барьсан Индиана Жонс цаашаа явахын хамт хөнгөн хэмнэлтэй сүрлэг киноны дуу нь түүнийг дахин шинэ адал явдал эхлүүлж байгааг илтгэн хүлээлт үүсгэх аж. Замаар хурдлан давхих Индиана Жонсийн сэтгэл түгшсэн байдал, сэтгэл догдлол, мөн усан доорх тулаан гээд сонирхол татах олон үзэгдлүүд нь төсөөлшгүй өрнөл, үйл явдлыг харуулах ажээ.  

Өмнөх ангиас 15 жилийн дараа эргэн ирж анхаарал татаж буй “Индиана Жонс: Хувь Тавилангийн Хүрд” кинонд хувиршгүй дур татам байдал, өвөрмөц төрх байдлаа хадгалсан Харрисон Форд гарч ирэх нь шуугиан тарьж байна.

“Индиана Жонс” цувралыг найруулж байсан, энэ удаад ерөнхий продюсероор эргэн ирсэн Холливудын акул Стивен Спилберг, мөн дэлхий дахины танил, “Индиана Жонс” киноны дууг бүтээсэн Жон Уильямс дахин хамтран ажиллахаар болсон нь хүлээлтийг илүү ихээр үүсгэж байна.

Мөн “Ford v Ferrari” “Logan”, “The Wolverine” зэрэг тулаант кинонуудын дүрүүдийг гайхалтайгаар найруулж олны анхаарал татаж байсан Жэймс Мэнголд найруулагчаар нь ажиллаж, энэ зун дэлхий дахиныг дахин алмайруулж, заавал үзэх тулаант адал явдалт кино төрөх ажээ. 

2023 оны 06-р сарын 30-нд нээлтээ хийнэ. 

Зургийн эх сурвалж: Disney