“Галактикийн хамгаалагчид 3” хамгийн их хүлээлт үүсгэж байгаа киноны 1-т бичигджээ, “Марвел дагуулах болно”

2023-04-04 09:54:56

Цувралууд нь дэлхий дахинаас 1,637,100,000 долларын орлого олж, байлдан дагуулж байсан “Галактикийн хамгаалагчид” цуврал гайхалтайгаар эргэн ирж байгааг илтгэх “Галактикийн хамгаалагчид 3” кино үзэгчдийн саналаар “2023 онд хамгийн их хүлээлт үүсгэж байгаа блокбастер, баатартай кино, баатрын дүр”-ийн 1-т бичигджээ.

Тус кинонд Гамораг алдаж уйтгар гунигт автаад байсан Питер Квилл аюулд унасан галактик болон хамтрагчдаа хамгаалахын тул дахин Галактикийн багаа цуглуулж, амжилттай биелүүлж чадахгүй бол тэдний хувьд сүүлийнх байж болох даалгаврыг авдаг тухай өгүүлэх ажээ.

Умард Америкийн киноны тасалбарыг урьдчилан худалддаг сайт “Fandango!”-оос тухайн сайтыг хэрэглэдэг үзэгчдээс авсан судалгааны үр дүнгээс харахад “Галактикийн хамгаалагчид 3” кино дэлхий дахины кинонд дурлагсдын саналаар “2023 оны хамгийн их хүлээлт үүсгэж байгаа блокбастер кино” болон “2023 оны хамгийн их хүлээлт үүсгэж байгаа супер баатартай кино”-нд хоёуланд нь 1-т бичигдсэн байна. 

Кинонд дурлагсдын хүлээлт нь киноны дүрүүдтэй хамааралтай болох нь судалгаагаар гарсан байна. “Стар Лорд” дүрийг бүтээсэн Крис Прэтт “2023 оны хамгийн их хүлээлт үүсгэж байгаа баатрын дүр”-д 1-т бичигдэж, тус киногоор дахин гарч ирэхээ мэдэгдсэн Гаморагийн дүрийг бүтээсэн Зой Салдана 4-р бичигджээ.

“Галактикийн хамгаалагчид 3”-г цувралуудын гайхалтай түүхийг төгс бүтээгч Жэймс Ганн найруулагч найруулж, дэлхий дахины кинонд дурлагсдын сэтгэлийг дахин баясгах бололтой. Онцгойлон Жэймс Ганн найруулагчийн өвөрмөц мэдрэмжтэй наргиан, хүний гоо үзэмжийг харуулсан мэдрэмж, бүтээлч найруулах арга барил нь энэхүү бүтээлд ч бас харагдана гэдэг хүлээлт үүсгээд байна. 

“Галактикийн хамгаалагчид 3” кино 2023 оны 05 сарын 05-ны өдөр нээлтээ хийнэ. 

Зургийн эх сурвалж: Disney