“Галактикийн хамгаалагчид 3” томоожиж, төлөвшсөн Грут

2023-04-17 06:58:29

2023 оны 05-р сард нээлтээ хийх “Галактикийн хамгаалагчид 3” киноны шинэ трэйлер цацагдлаа. Тус трэйлер цацагдсанаас хойш 24 цагийн дотор бүх нийгмийн сүлжээний үйлчилгээний хандалт 100 саяыг давж Марвелын далд хүчийг нотлов.

Олон нийтийн хүртээл болсон трэйлерт “Авенжерс: Цаглашгүй дайн”-д өөрийгөө золиосолсон Гамора (Зои Салдана)-тай дахин уулзсан Стар-Лорд буюу Питер Квилл (Крис Прэтт) гардаг ажээ.

Нэгнээ өөрийн аминаасаа илүү хайрлаж байсан өнгөрснөөс өөрөөр хоорондоо сөргөлдөх тэр хоёрын дунд цаашид ямар зүйл болох нь сонирхол ихээр татаж байна. Мөн Рокет (Брэдли Купер), Адам Уорлок (Уилл Поултер) зэрэг шинэ дүрүүд гарахын зэрэгцээ, аюул заналын эсрэг дахин нэгдсэн “Хамгаалагчид”-ын шийдэмгий байдлыг тус трэйлерт харуулжээ.

Харин Марвелын шүтэн бишрэгчдийн харцыг “Грут” татаад байна. Хоёрдугаар ангид шилжилтийн насыг туулж, үг сонсдоггүй байсан Грут илүү том болжээ. Илүү томоожиж, төлөвшсөн Грут нь сайн найз Рокеттой хамт гайхалтай тулааныг үзүүлэх ажээ.

“Галактикийн хамгаалагчид 3” кино 2017 онд олны хүртээл болсон 2-р анги гарснаас 6 жилийн дараа кино театруудын дэлгэцнээ гарч байгаа дараагийн анги нь юм. “Галактикийн хамгаалагчид 3” кино мөн адил өөрийн гэсэн өвөрмөц тулаан, урьд хожид байгаагүй нарийвчлал, хөнгөн хошигнол, шинэлэг киноны дуу гээд цогц бэлгийн иж бүрдлийг харуулна гэдгээр хүлээлт ихээр үүсгэж байна. 

Жэймс Ганнтай найруулснаар шинэ анги кино театруудын дэлгэцнээ эргэн ирсэн “Галактикийн хамгаалагчид 3” кино 2023 оны 05-р сарын 05-ны өдөр кино театруудад нээлтээ хийнэ. 

Зургийн эх сурвалж: Disney