“Буг Чөтгөр Номхотгогч: Итгэгч”, 2023 оны 10 сарын 13-ны өдөр нээлтээ хийнэ
2023-08-11 10:59:48
“Буг Чөтгөр Номхотгогч: Итгэгч” нь аймшгийн кино бүтээдгээрээ алдартай БлумХаусийн шинэ төслийн эхний түүх юм. Энэ удаагийн цуврал нь чөтгөр номхотгох үйлийг олон нийтэд таниулах хөшгийг нээж байгаа бөгөөд аймшгийн киноны ертөнцөд нэгэн шинэ түүхийг бичиж байсан “The Exorcist”-ийн цувралын шинэ анги гэдгээрээ илүү их анхаарал татаж байна.
Академийн шагнал гардуулах ёслолд аймшгийн киноны төрөлд анхны Best Picture номинацид нэр дэвшиж байсан “The Exorcist” кино 10 номинацид нэр дэвшиж, “Шилдэг сэдэвчилсэн зохиол” , “Шилдэг дууны найруулга” шагналыг тус тус хүртэж, Алтан бөмбөрцөг шагнал гардуулах ёслолоос “Шилдэг кино зохиол” шагналыг хүртсэн бөгөөд үүгээрээ олон нийтийн таашаалд нийцсэн бүтээл гэдгээ нотолсон билээ.
Эх зохиол, найруулгад нь Дэвид Гордон Грин найруулагч ажиллажээ. Тэрээр аймшгийн киноны франчайзын нэг болох “Хэллоуин” цувралыг БлумХаустай хамтдаа амжилттай дахин эхлүүлж, “Эх зохиолын дараах хамгийн шилдэг анги” гэж магтуулж байсан билээ.
Ялангуяа Дэвид Гордон Грин найруулагч “Буг Чөтгөр Номхотгогч: Итгэгч” кинонд “Муу ёрын сүнс нэг хүний бус, хоёр хүний биеийг эзэмдэх”-ийг дүрслэхэд анхаарсан гэж хэлсэн нь шинээр эхлэх “The Exorcist” төслийн талаарх сонирхлыг илүү ихээр төрүүлж байна. Олон нийтэд цацагдсан трэйлерт нэгэн өдөр гэнэт алга болсон найзууд “Анжела”, “Кэтрин” хоёр нэг л өөр болсон байдалтайгаар эргэн ирснээр кино эхэлнэ.
Өнгөрсөн ой санамжаа алдаж, хий юм сонсогдоход аажмаар дуу хоолой, гаднах төрх нь хувирах тэдний дүр төрх, мөн “Ямар нэгэн юм дагаад ирсэн юм шиг байна.” гэж хэлэх гол дүр “Анжела”, “Катерин” хоёрт нэгэн зэрэг үл мэдэгдэх муу ёрын сүнс шүглэсэн болохыг илтгэнэ.
Энэхүү нөхцөл байдалд туслахаар гарч ирсэн “Крис Магнил” нь “Анжела”, “Кэтрин” хоёрын биед нэгэн зэрэг шүглэсэн муу ёрын сүнсэнд хандан “Бид өмнө нь уулзаж байсан, тийм үү?” гэж асуусан гүн утга бүхий асуулт нь илүү их сонирхлыг төрүүлж, “Буг Чөтгөр Номхотгогч: Итгэгч”-т өрнөх тааварлашгүй аймшгийн үйл явдлыг харуулж байна.
“Буг Чөтгөр Номхотгогч: Итгэгч” кино 2023 оны 10 сарын 13-ны өдөр нээлтээ хийнэ.
Зургийн эх сурвалж: Universal pictures
