“Wonka” киноны найруулагч Тимоти Шаламег сайн дуулдаг хэмээн магтжээ

2023-09-16 10:06:54

2023 оны 9 сарын 11-ний өдөр “Total Film” сэтгүүлд өгсөн ярилцлагын үеэр “Wonka” киноны найруулагч Пол Кинг гол дүрийн жүжигчин Тимоти Шаламег харамгүйгээр магтсан байна. Тэрээр “Тимоти Шаламе гайхалтай хоолойтой.” гээд тэрээр сайн жүжиглээд зогсохгүй чадварлаг дуулдаг хэмээн дурдсан байна.

Тэрээр түүний хоолойны чадлыг мерикийн домогт дуучин Бинг Кросбитэй зүйрлэн биширчээ. Пол Кинг Тимоти Шаламегийн талаар “Нүдэнд тусах үйлдлээс энгийн сэтгэлийн хөдлөл гээд олон талын авьяас чадвартай тэрээр бүгдийг хийж чадна.” гээд “Түүний шүтэн бишрэгч шиг сонсогдох байх.” хэмээн хэлсэн байна.

“Wonka” киноны төрлийн талаар Пол Кинг хэлэхдээ кино дуу ихтэй боловч яг мюзикл гэж бодохгүй байна. “Эх зохиолд Умпа-Лумпанууд их дуулдаг, шүлэг ихтэй.”, “Гэхдээ хүмүүс хоорондоо зүгээр шалтгаангүйгээр харилцан ярилцдаг мюзикл болохыг хүсэхгүй байсан. Мюзикл гэхээс илүү дуу ихтэй кинотой ойрхон мэдрэмж төрдөг.” хэмээсэн байна. Өмнө нь Пол Кинг “Rolling Stone” сэтгүүлд өгсөн ярилцлагын үеэрээ ч бас Тимоти Шаламег магтсан байдаг.

Тэрээр Тимоти Шаламе тэр дүрийг гаргаж чадах цорын ганц хүн байсан учир сонгон шалгаруулалт явуулах шаардлагагүй байсан хэмээжээ. Тэрээр “Би Тимоти Шаламег сайн дуулж, бүжиглэдэг гэдгийг мэддэг байсан. Гэхдээ бодсоноос тийм сайн гэдгийг нь мэдээгүй.” хэмээн бодож байснаас нь илүү чадварлагт нь сэтгэл хангалуун байгаагаа илэрхийлсэн байна.

Тус бүтээлд 2005 онд олны хүртээл болсон “Charlie and the Chocolate Factory”-ийн өмнөх түүхийг агуулсан кинонд Жонни Деппийн бүтээсэн Вилли Вонкагийн дүрийг Тимоти Шаламе бүтээхээр болжээ. Тус кино 2023 оны 12 сарын 15-ны өдөр нээлтээ хийнэ.   

Зургийн эх сурвалж: Warner bros