“Юу ч бодолгүй үзэж байгаад толгой дундуураа цохиулсан мэдрэмж!” Хиймэл оюун ухаантай зэрэгцэн орших ойрын ирээдүй “Бүтээгч”

2023-10-09 12:13:48

“Rogue One: A Star Wars Story” киноны Гарет Эдвардс найруулагчийн “Бүтээгч” кино нь хиймэл оюун ухаанд түшиглэсэн цөмийн дайралт эхэлсний дараа, тусгай бүлгийн гишүүн “Жошуа” хүн төрөлхтнийг аюулд унагах зэвсэг болох хүүхдийн төрхтэй робот “Альфи”-ийг нээн илрүүлж, тэрхүү роботыг тойрсон агуу дайныг дүрсэлсэн кино юм.  

● Өвөрмөц санаа ба дүрслэл 

“Бүтээгч” кинонд хүн болон хиймэл оюун ухаан зэрэгцэн орших ойрын ирээдүйг дүрслэн гаргаж, өвөрмөц үзэл санаагаар баяжуулжээ. Тус киног найруулсан Гарет Эдвардс найруулагч Ази тивээр аялж байхдаа олж авсан санаан дээрээ тулгуурлан Хиймэл оюун ухаантай зэрэгцэн орших Азийн соёлыг тэр чигт нь хадгалж үлдсэн Шинэ Азийн бүс нутаг болон хиймэл оюун ухааны зэвсгийг устгах гэж буй баруун Европын бүс нутгийг эсрэгцүүлэн дүрсэлж, өвөрмөц үзэл санааг агуулсан байна. Түүгээр зогсохгүй, энэ үзэл санаагаа бодитоор илэрхийлэхийн тулд Тайланд, Вьетнам, Балба, Япон, Индонез зэрэг улсуудад зураг авалт хийж, тухайн орчны бодит зургийг оруулж, өмнө нь харж байгаагүй шинэ ойрын ирээдүйн дэлхийг бүтээж үзэгчдийн анхаарлыг татаж байна. 

● Хүн болон хиймэл оюун ухаантай зэрэгцэн орших дэлхий 

Хоёр дахь үзэх шалтгаан нь түүх болон мессеж юм. Тусгай бүлгийн гишүүн байсан “Жошуа” хиймэл оюун ухаант зэвсгийг устгахын тулд тактикийн нэг хэсэг болсны дараа тэр зүйл нь хүүхдийн төрхтэй хиймэл оюун ухаант зэвсэг “Альфи” гэдгийг мэдэх болж, мухардмал байдалд орж байгаагаар гүн гүнзгий утга санааг дамжуулах ажээ. Түүгээр зогсохгүй, Гарет Эдвардс найруулагч “Бид хиймэл оюун ухааныг хамгаалах уу, эсвэл устгах уу?” гэдэг асуултаас бүх түүх эхэлсэн гэж хэлж байсан шиг, сүүлийн үед хурдтай хөгжсөн хиймэл оюун ухаант технологи нь холын ирээдүй бус, хүн төрөлхтөн, хиймэл оюун ухаан зэрэгцэн орших ойрын ирээдүйд хэлэхийг хүсэж буй мессежийг дамжуулж байгаа гэдгээрээ хүлээлт үүсгэж байна.   

●  Тулаан болон сэтгэл хөдөлгөм жүжиглэлт, гайхалтай хамтрал 

Сүүлийн үзэх шалтгаан нь жүжигчдийн чин сэтгэлийн жүжиглэлт юм. Продюсер Жим Спенсер “Гайхалтай тулааныг харуулдаг тулааны чадвар, сэтгэл хөдөлгөм жүжиглэх чадвартай жүжигчин” гэж магтсан шиг, тусгай бүлгийн гишүүн байсан “Жошуа”-ийн дүрийг бүтээсэн Жон Дэвид Вашингтон нь тус кинонд тулаанаас авхуулаад сэтгэл хөдөлгөм жүжиглэлтийг төгс гаргажээ. Мөн нууц учиг байсан “Жошуа”-ийн сураггүй алга болсон эхнэр “Майя”-ийн дүрийг бүтээсэн Жемма Чан, хүүхдийн төрхтэй робот “Альфи”-ийн дүрийг бүтээсэн Мадлен Юна Войлес нар үзэгчдийн сэтгэлийг хөдөлгөм жүжиглэлт, гайхалтай хамтралыг харуулах ажээ. “Жон Дэвид Вашингтон үнэхээр сайн тогложээ.” (Kristen Maldonado), “Жон Дэвид Вашингтон, Мадлен Юна Войлес нар гайхалтай гар нийлжээ.” (POC Culture) гэх зэргээр үнэлүүлээд байгаа жүжигчдийн чин сэтгэлийн жүжиглэлт, хамтрал нь үзэгчдийг байлдан дагуулах болно.  

“Бүтээгч” кино яг одоо кино театруудад гарч байна.