“The Marvels”, Шинэ баатар, хорон санаатнуудаа дэлгэлээ

2023-10-13 15:56:08

MCU-ийн Ахмад Марвелын хоёр дахь түүх “The Marvels” нь сансар огторгуйг хамгаалдаг баатар Ахмад Марвел буюу Кэрол Данверс хүчээ ашиглах бүрд Моника Рамбо, Хатагтай Марвел буюу Камала Хан нарын байршил солигдох аюулд унаж, санаснаас өөр шинэ багтайгаар тулалдах болдог баатартай кино юм.

Ахмад Марвел(Бри Ларсон)-тай хамт багаа бүрдүүлэх Моника Рамбо(Тейона Паррис), Хатагтай Марвел буюу Камала Каан(Иман Веллани) нарын хүч чадлыг нийтэд дэлгэж, өргөн дэлгэцнээ шинэ дүр төрхийг харуулах баатрууд анхаарал татах ажээ.

Моника Рамбо нь Кэрол Данверсийн дотны найз хийгээд хамтрагч байсан Мариа Рамбогийн охин бөгөөд Ахмад Марвелд ч бас багын дүрээр гарч байжээ. Гэрлийн олон долгион, энергийг хардаг чадвар, мөн нэвтрэн ордог чадвартай тэрээр чадвараа харуулсны дараагаас Ник Фюри(Сэмюэл Л.Жексон)-тэй хамт “С.О.Б.Т.Х.Б. - Сансар Огторгуйн Биофизикийн Стратеги Хариуцсан Баг”-т амьдарч иржээ. Гэтэл Кэрол Данверс, Камала Каан нартай хүч нь орооцолдож, тэд нэгэн баг болдог. 

Ахмад Марвелыг шүтдэг арван хэдтэй баатар Камала Каан нь гартаа зүүсэн “бугуйвч”-аар энергийг хүссэнээрээ хэлбэржүүлж чаддаг. Хэлбэржүүлсэн энергиэ гараараа чөлөөтэй шилжүүлээд зогсохгүй асар том нударга хийж хүчтэй цохидог.

Өнөө хүртэл MCU-ийн дүрүүдээс тэс өөр шинэ чадвартай хоёр юу ч ашиглахгүйгээр нисэж, гэрэл лүү нэвтрэн ордог чадвартай хамгийн хүчирхэг баатруудын нэг гэгддэг Кэрол Данверстэй уулзаж тэд хэрхэн хамтрах нь хүлээлт үүсгээд байна.

Мөн тэдэнтэй тулалдах шинэ хорон санаатан ч бас гарч ирж анхаарал татах ажээ. Кричүүдийн удирдагч хийгээд маш хүчирхэг Дар Бенн(Зави Эштон) нь Ахмад Марвелыг “сүйтгэгч” гэж дуудаж, өөрийнх нь Кричүүдийг сансар огторгуйгаас зайлуулах гэж буй Ахмад Марвелаас өшөө авахын тулд өөрийн төрсөн нутгийн гаргуудыг устгах гэж оролддог.

Нэгэн үндэстний удирдагчийнхаа хувьд асар их хүчтэй тэрээр Кэрол Данверс болон түүний багийг маш хүнд аюулд унагадаг. Тус кино нь эх зохиолоос өөрөөр эмэгтэй дүрүүдээр дүрсэлсэн шигээ шинэ дур булаам байдлыг харуулах болно.  

“The Marvels” кино 2023 оны 11 сарын 10-ны өдөр нээлтээ хийнэ. 

Зургийн эх сурвалж: Disney