Тимоти Шаламе “Wonka” кино, шинэ постер цацагдлаа... гоёмсог өнгөлөг байдал нь хүлээлт үүсгэж байна

2023-11-17 12:58:24

Холливудын томоохон төлөөлөл жүжигчин Тимоти Шаламегийн шинэ бүтээл “Wonka” киноны шинэ постер цацагдаж, үзэгчдийн анхаарлыг татаад байна. Тус бүтээл нь Роалд Далын “Charlie and the Chocolate Factory” номоос сэдэвлэсэн бөгөөд гол дүр Вилли Вонкагийн өнгөрсөн үеийн тухай өгүүлэх ажээ.

2005 онд олны хүртээл болсон “Charlie and the Chocolate Factory” нь 1971 оны бүтээлийг шинэчилсэн хувилбар байсан бол тус бүтээл нь адил эх зохиолын үзэл баримтлалд суурилсан анхны түүхийг өгүүлэх аж.

Вилли Вонкагийн дүрд Жонни Деппийн дараа Тимоти Шаламе гол дүрд сонгогдож олны анхаарлыг татаад байна. Мөн Умпа-Лумпагийн дүрийг Хью Грант бүтээхээр болсон нь олны анхаарлыг ихээр татаад байгаа билээ. 

Олон нийтэд цацагдсан постерт Тимоти Шаламе, Вилли Вонкаг илтгэх малгай, нил ягаан өнгийн хүрэм өмсөн таяг бариад сууж байдаг. Түүний хажууд Умпа-Лумпан дүрд хувирсан Хью Грант шоколадны хайрцаг бариад сууж байдаг Асар том хэмжээтэй чихэр ч бас нүдэнд тусна.

Хүн шиг өндөртэй модон чихэр, үүлэн хэлбэртэй хөөсөн чихэр постерыг гайхалтай чимж байна. Тиймд ямар гоёмсог дэлгэцийн бүтээлийн гоо зүйг харуулж үзэгчдийн нүдийг баясгах бол гэдэг нь маш ихээр сонирхол төрүүлээд байна.

Түүнчлэн “Энэ дэлхийн сайхан бүх зүйл мөрөөдлөөс эхэлдэг.” гэсэн үг нь Вилли Вонка багаасаа шоколад идэхийг хүссэн мөрөөдлөөс эхэлж амжилтад хүрсэн шоколад зохион бүтээгч болох түүний амьдралыг маш сайн илэрхийлдэг байна. 

“Wonka” кино 2023 оны 12-р сарын 15-д нээлтээ хийнэ. 

Зургийн эх сурвалж: Warner bros