Фрозен 2 11-р сард кинотеатруудад

2019-11-10 18:46:21

Дэлхий нийтэд шуугиан тарьсан хүүхэлдэйн кино Фрозений дараагийн анги 11-р сард дэлгэцнээ гарахаар болжээ.

Фрозен 1-р анги нь 2014 онд дэлгэцнээ гарч бараг 1,3 тэрбум долларын орлого олсон нь хүүхэлдэйн киноны түүхэнд шинэ дээд амжилт тогтоож байсан.

Тухайн үед Умард Европын цас мөсний оронг дэлгэцэд амилуулсан мэт жавар салхийг мэдрүүлсэн дүрслэл, Let It Go, For The First Time In Forever, Do You Want To Build A Snowman? гэх мэт сайхан дуугаараа дэлхийн үзэгчдийг гэгэлзүүлж чадсан баг.

Фрозен 2 киног 5 жилийн дараа гаргаж байгаа бөгөөд, ердөө киноны хоёр дугаар анги хийгдэнэ гэдгийг сонсоод л дэлхийн кино үзэгчид талархан хүлээж аван, тоолж баршгүй хүмүүст хүлээлт үүсгэсэн цорын ганц хүүхэлдэйн кино болохыг нотолж байна.

Энэ удаа Элса, Анна нар Арендел хаант улсын нууц мөн Элса хатны ид шидийн нууцыг тайлахаар аяын замд гарах бөгөөд Кристоф, Олаф нар ч аянд цуг гарснаар замдаа шинэ адал явдал, шинэ найз мөн дайсантай учрах нь тодорхой. Мэдэхсэн гэсэн хорхой хүргэм адал явдал биднийг хүлээж байна. Эхний ангиасаа ч санаандгүй зүйлсийг үзүүлнэ гэж бүгд хүсэн хүлээсээр...

Найруулагч Крис Бак, дууны найруулагч Женнифер Ли бусад продюссерууд гээд өмнөх багийнхан бүгд дахин нэгдэж ажиллажээ. Фрозен 2 хэр далайцтай зүйлийг харуулж, ямар гайхшрам дуу сонсгож, ямар гоё үзэгдлийг дүрслэсэн бол гэсэн хүлээлтийг эрхгүй үүсгэж байна.

Одоогийн байдлаар нийтэд дэлгэгдсэн зурагт хуудаст манан татсан ойн дунд зогссон Элса, Анна нар харц эрхгүй нэгийг бодогдуулна. Өөдөөс эгцлэн харах Элса, толгойгоо эргүүлэн хаа нэгтээ харж байгаа Анна нар нууцлаг байдлыг илтгэнэ. “Айх хэрэггүй” гэсэн бичиг эгч дүү хоёрын дүрстэй сайтар зохицож, шинэ аюултай нүүр тулсныг харуулжээ.

Эхний ангиа бодвол нэлээд өссөн бололтой харагдах Элса, Анна хоёрт өнгөрсөн хугацаанд юу тохиолдсон бол гэх бодол сонирхол төрүүлнэ. Манан бүчсэн нь зүүд мэт хэрнээ нууцлаг байдлыг илэрхийлж, Элсагийн нууц хүч юунаас эхлэлтэйг, хаант улсын үнэн юу вэ гэдгийг мэдэх томоохон адал явдал биднийг хүлээж байгааг хэлэхэд таатай байна.

Фрозен 2 энэ оны 11-р сарын 22-нд нээлтээ хийнэ.