“The Garfield Movie” дэлхийн хамгийн алдартай муур кино театруудын дэлгэцнээ

2024-03-29 12:44:09

“The Garfield Movie” нь зөвхөн Америкт комикс номоор 130 сая гаруй хувь борлуулагдсан бүтээлийн гол дүр Гарфилд муур (Крис Прэтт) өөрийн муур аав Вик (Самюэл Л. Жэксон)-тэй санамсаргүй таарч, сүү олж уухын тулд аюулаас айлгүйгээр сүүний үйлдвэр рүү явах адал явдлын тухай өгүүлэх хүүхэлдэйн кино юм.

Дэггүй өхөөрдөм Гарфилд муурын дүрд “Галактикийн хамгаалагчид” цуврал, “Юрийн галавын ертөнц” цувралаар дэлхий дахинд өөрийгөө батлан харуулсан Крис Прэтт дуу оруулсан байна. Гудамжны муур аав Викийн дууг жүжигчин Самюэл Л. Жэксон, Гарфилдын эзэн Жоны дууг “Mad Max: Fury Road”, “X-men” цуврал гээд олон ч дүрээр олны хайр хүндлэлийг хүртсэн Николас Холт бүтээх ажээ.

Кино нээлтээ хийх тухай мэдээтэй хамт олон нийтэд цацагдсан трэйлерт Гарфилд бороонд норон гудамжинд тэнүүчлэн явж байгаад эзэн Жонтой уулзаж байгаагаар эхэлдэг.

Улмаар төрөл бүрийн хоол идэж байгаад “Ингээд л Жон намайг үрчилж авсан юм даа.” гэж хэлэх Гарфилдын муу санаатай дүр төрх нь Крис Прэттийн үзүүлэх хөгжилтэй хэр нь өөрийн гэсэн өнгө төрхтэй Гарфилд байх болно гэсэн хүлээлтийг үүсгэж байна.

Мөн аав нь болох гудамжны муур Виктэй санаандгүй тааралдаж, хурдалж байгаа галт тэргэнд хамт суусан Гарфилдын дүр төрх нь хоёр муурт тохиолдох адал явдлыг харуулах ажээ. 

“The Garfield Movie” кино 2024 оны 05-р сарын 23-ны өдөр нээлтээ хийнэ. 

Зургийн эх сурвалж: Sony pictures