Жудаггүй боловч үзэн ядаж үл чадах муурны адал явдал... “The Garfield Movie”

2024-05-15 09:06:03

Гэрийн бүх эд зүйлсийг сүйтгэсэн хэрнээ огт санаа зовсон шинжгүй, хүнийг түлхчихээд хамгийн сайхан газрыг эзэлж суугаад залхуутай аргагүй эвшээнэ. Жудаггүй боловч үзэн ядаж үл чадах муур, Гарфилдын түүх. 

 “The Garfield Movie” анимэйшн Америкт хамгийн ихээр хайр хүндлэл хүртэж буй муурны дүр Гарфилдыг гол дүрээ болгожээ. 

1978 онд Америкийн комик зураач Жим Дэвис сонинд гуравхан комик зургаар анх танилцуулснаас хойш дэлхий дахинаа алдартай болсон энэхүү дүр нь 40 жил өнгөрсөн ч тэрхүү дур татам байдлаа алдаагүй л байна. 

3D анимэйшнээр Гарфилдын өөрийн гэсэн өвөрмөц улбар шар үс, өргөн нүүр, цүдгэр гэдэс гээд бүгдийг маш сайн харуулжээ. Нэг зүсэм пиццаг шууд үмхээд идчихдэг ховдог гэдгийг, даваа гарагт дургүй залхуу байдал, доог тохуутай үг хэллэг хэрэглэдгийг ч бас тэр чигээр нь тусгажээ. 

Тус кинонд Гарфилдын зулзага байсан үеэс ганцаардмал залуу Жонтой санаандгүй уулзаж, хамт амьдрах болсон үе, өөрийг нь хаяхыг нь мэдэж байсан аав Виктэй маргалдах маргаан, эвлэрэл бүгдийг багтаажээ. 

Танхил өссөн гэрийн муур Гарфилд олзлогдсоны дараа хог дээр гарах болдог. Энэ үед бага байхдаа араас нь л харж байсан аав Виктэй уулзаж, улмаар сүүний хүргэлтийн машиныг хулгайлах даалгавар авдаг. 

Аавынхаа талаар сөрөг бодлоор дүүрэн байсан Гарфилд эргэлзээ бүхний ард гарч бага багаар Викийн сэтгэлийг ойлгодог. Эхэн үед маш олон үйл явдлууд ар араасаа гарч ирдэг боловч, сүүл хэсэг рүүгээ өсөлт хөгжил, эцгийн хайр гэсэн сэдэв дээр тогтдог. Гарфилдын хажууд үргэлж тусалж байдаг үнэнч нохой Оди, амьтан хамгааллын газар хоригдсоны дараа өшөө авахаар шийдсэн Жинкс муур гэх зэрэг олон дүрүүдийн түүх киног илүү амттай болгоно. 

Жим Дэвис ерөнхий найруулагчаар нь ажиллаж, “Cusco? Cusco!”, “Chicken Little”-ийг найруулсан Марк Диндал найруулагчаар нь ажиллажээ. Гол дүр Гарфилдын дууг “Галактикийн хамгаалагчид” цувралд тоглосон Крис Прэтт оруулсан байна. Викийн дууг Самюэл Л.Жэксон, Жоны дууг Николас Холт оруулжээ.  

 “The Garfield Movie” 2024 оны 05 сарын 23-ны өдөр нээлтээ хийнэ.