“Муу ёр 666” цувралыг тойрсон олон янзын хэрэг явдал, осол аваар
2024-04-03 16:40:21
Occult киноны “үндэслэгч” гэгддэг “Муу ёр 666” цувралын эхлэлийн түүхийг өгүүлэх “Муу ёр 666: Эхлэл” кино 2024 оны 04-р сарын 05-ны өдөр нээлтээ хийх гэж байгаа бөгөөд тус цувралыг тойрсон бодитоор болсон сонин содон хэрэг явдал, осол аваарууд дахин анхаарал татаж байна.
1976 онд бүтээгдсэн “Муу ёр 666”-ийн гол дүрийг бүтээсэн царайлаг эрэгтэй жүжигчдийн төлөөлөл Грегори Пек кинон дээр гардаг шиг хүүхдээ алдах гунигт түүхтэй нүүр тулжээ. Түүний хүү Жонатан “Муу ёр 666” киноны зураг авалт эхлэхээс өмнө “туйлширсан сонголт” хийн хорвоог орхисон байна.
Кинон дээр Пек төрөөд удаагүй нялх хүү нас барсныхаа дараа адил цагт эмнэлэгт төрсөн буг чөтгөрийн хүү “Дэмиэн”- ийг дагуулан ирж, хэнд ч мэдэгдэхгүйгээр өөрийн хүү шиг өсгөх “Торн”-ын дүрийг бүтээжээ. Гэвч бодитоор хүү нь гэрээслэл ч үлдээлгүйгээр гэнэт хорвоог орхиход Пек хоолойгоор хоол ч давахгүй хэцүү байсан боловч, арай ядан бие, сэтгэлээ удирдан зураг авалтын газар болох Английн Лондон уруу явсан байна.
Муу зүйл үүгээр дуусаагүй байна. Пекийн суусан Лондон руу нисэж явсан онгоц гэнэт цаг агаар муудсанаас аянгад цохиулж, дөрвөн өдрийн дараа тус киноны зохиолч Дэвид Зельцер ч бас онгоцоор Англи руу явж байхдаа онгоцны бүхээгт аянгад цохиулжээ. Азаар Пек, Зельцер хоёулаа хөнгөн гэмтсэн боловч, амьтны хүрээлэнд зураг авч байхад бар зугтаж сургагчаа хазаж амийг нь авч одсон хэрэг гарсан гэх зэргээр кино багийнханд зураг авалтын газарт болон өөр газар өрнөсөн учир нь үл олдох үйл явдлууд болсон тухай хожим дурсжээ.
Үүнээс гадна найруулагч Ричард Доннер, продюсер Марк Ньюфелд нар кино зураг авалтын газар болох Английн Лондонд Ирландын бүгд найрамдах арми(IRA)-ийн дэлбэрэлтийн халдлагад олон удаа илчлэгдсэн байна.
Энэ удаа олон нийтийн хүртээл болж буй “Муу ёр 666: Эхлэл” кинонд гэлэнмаа болохын тулд Ром уруу явсан “Маргарет” ад зэтгэрийн төрөлттэй холбоотой нууц явуулгатай нүүр тулж, итгэл үнэмшлийг нь ганхуулах нууцлаг ертөнц рүү алхаж орсноор эхэлж үйл явдал өрнөх ажээ.
“Муу ёр 666: Эхлэл” кино 2024 оны 04-р сарын 05-ны өдөр нээлтээ хийнэ.
Зургийн эх сурвалж: 20th century fox
