“Жокер 2”, дэд сэдэв “Folie à Deux”-ийн утга нь?
2024-04-22 09:04:04
“Joker: Folie à Deux” кино 2024 оны 10-р сард нээлтээ хийнэ.
“Joker: Folie à Deux” нь 2019 онд дэлхий дахины бокс оффисын 6-рт бичигдэж, дэлхий дахинаас 1 тэрбум долларын орлого олж, урьд хожид тохиолдож байгаагүй шуугиан тарьсан “Жокер”-ын хоёр дахь түүх юм. “Жокер” нь ховор балмад этгээд “Жокер” мэндэлсэн түүх комик номонд суурилаагүй бүр шинээр дахин бүтээсэн түүхийн талаар өгүүлэх ба дэлхий дахины кинонд дурлагсдад шинэлэг байдлыг харуулж, сэтгэлийг түгшээх бүтээл юм.
Кино нээлт хийхээс өмнө “Төсөөллийг давсан айдас” гэж магтуулахын зэрэгцээ бүгд босон 8 минут алга ташин Венийн олон улсын кино наадмыг байлдан дагуулж, нээлтээ хийсний дараа дэлхий дахины сонирхлыг татаж, Warner Bros-ийн урьд хожид байгаагүй шилдэг бүтээлийн 5-рт бичигдсэн байна.
Хоёр дахь түүх нь өмнөх ангиас өөр сенсациар бүгдийг эзэмдэх ажээ. “Жокер”-ын дүрээр Академи, Critics Choice, Алтан бээлийн шагналыг хамсан Вакин Феникс дахин “Жокер”-ын дүрийг бүтээж, түүнтэй хамт сэтгэлийг түгшээх “Харли Квинн”-ий дүрийг “A Star Is Born”-оор Academy Award for Best Original Song-ийг хүртсэн Лэди Гага бүтээнэ гэдэг нь хүлээлт ихээр үүсгэж байна.
Бүтээл бүрдээ урьд хожид байгаагүй гал цогтойгоор жүжиглэж олон нийтийг эзэмдсэн хоёр жүжигчний талаарх шуугиан тархаж байгаа бөгөөд киноны түүхэнд гарцаагүй байх ёстой дүр болох “Жокер”, “Харли Квинн” нар хэрхэн хорших нь сонирхол түрүүлж байна. “Joker: Folie à Deux”-ийн найруулагчаар “Жокер”-оор дэлхийн тэргүүлэх кино наадмуудад онцгойрч байсан Тодд Филлипс найруулагч ажиллажээ.
Өмнөх ангиас өөр өвөрмөц уур амьсгал, жанрын сэтгэл татам байдлаар “Жокер”, “Харли Квинн” нарын шинэ түүх өрнөх ажээ. 1992 онд Академийн түүхэнд анх удаа хөгжмийн шагналыг хүртсэн эмэгтэй хөгжмийн найруулагч Хильдур Гуднадоуттир дахин хөгжмийн найруулагчаар ажиллаж, жанрын сэтгэл татам байдлыг илүү харуулах аж.
Киноны нэрэнд орсон “Folie à Deux” нь дотно харилцаатай хоёр хүнд нэгэн зэрэг бий болдог сэтгэцийн өвчнийг нэрлэдэг анагаахын нэр томьёо юм. Хоёр дахь ангид дахин ямар сэтгэл цочроом түүхийг өгүүлэх нь хүлээлт үүсгэж байна.
“Joker: Folie à Deux” кино 2024 оны 10-р сарын 04-ний өдөр нээлтээ хийнэ.
