Хослолоо тайлж, ер бусын чадвартай малын эмч... Роберт Дауни Жуниор, “Доктор Дүлитл”-аар эргэн ирнэ

2019-11-12 17:48:41

Жүжигчин Роберт Дауни Жуниор “Төмөр хүн”-ий хослолоо тайлжээ. Тэрээр ер бусын чадвартай, нүдэнд дулаахан малын эмчийн дүрийг бүтээсэн байна.  

Степхен Гагханы найруулсан “Доктор Дүлитл” киноны эхний трейлер, постер цацагдаж, Роберт Дауни Жуниорын шинэ бүтээл хүртээл болгов. 

“Доктор Дүлитл” бол уран зөгнөлт кино нь түүний  “Авенжерс: Эцсийн Тулаан” киноны дараах бүтээл билээ. Онцгой чадвартай доктор Дүлитл нь амьтадтай хамт аялалд гардаг. 

Тэрээр амьтадтай ярьж чаддаг Дүлитл эмчийн дүрийг бүтээжээ. Тоть, цагаан баавгай, бар зэрэг олон амьтадтай хэл нэвтрэлцэж чаддаг байна. 

Ялангуяа гориллатай хамтдаа байх үзэгдэл үнэхээр сэтгэл хөдөлгөм. Тэдний суусан завь живэх аюулд өртөхөд Роберт Дауни Жуниер гориллад хандан “бүү ай” гэж хэлдэг хэсэг... 

Уран зөгнөлт дүрслэл бас сонирхол татаж байв. “Доктор Дүлитл” киног бүтээхэд “Малефисент”, “Алиса гайхамшгийн оронд” зэрэг киноны багийнхан оролцжээ. Тийм болоод ч тэр үү үлгэрийн оронд буй мэт дүрслэлийг мэдрүүлж чадаж байв.

Трейлерийн сүүл хэсэгт үнэхээр гайхалтай дуу оруулсан уран бүтээлчдийг танилцуулдаг. Рами Малек, Том Холланд, Селена Гомес, , Октавия Спенсер, Антонио Бандерас зэрэг жүжигчид дуу оруулжээ.

“Доктор Дүлитл” кино 2020 оны 01 дүгээр сарын 17-нд нээлтээ хийнэ.