'Captain America', 'Black Widow' киноны жүжигчид "Марвелын кино бол кино биш” гэсэн маргаанд хариулт өгчээ

2019-11-15 08:20:56

Бид өмнө нь найруулагч Мартин Скорсезе нэгэн хэвлэлд өгсөн ярилцлагадаа “Марвелын кино бол кино биш” гэж хэлэн маргаан үүсгээд байсан тухай мэдээлэлж байсан. Тэгвэл

Крис Эванс, Скарлетт Иоханссон нар Америкийн “Вариети” хэвлэлд 11 дүгээр сарын 11-нд өгсөн ярилцлагадаа Мартин Скорсезе найруулагчийн үүсгэсэн “Марвел”-ын кино шүүмжийн талаар ам нээжээ.

'Марвел' студийн 'Captain America', 'Black Widow' зэрэг кинонд тоглосон тэд 'Вариети' хэвлэлд өгсөн ярилцлагадаа “Ийм маргааныг үүсгэж байгаа нь үнэхээр гуниглуулж байна.” гэж хэлжээ.

Скарлетт Иоханссон:

“Энэ хэд хоногт алдартай найруулагчид Марвелын болон блокбастер кинонд дургүй гэдгээ илэрхийлснээр эхэндээ сонирхолтой байсан. Гэвч тэрхүү бодол нь өөрөө хуучинсаг бөгөөд кино биш хэмээн үзэж буйд уран бүтээлч бидний хувьд урам хугарч байна. Тэд бусад жанрын кино, жижиг кинонууд оршин тогтнох орон зайгүй болж байгааг дурдсан гэж бодож байна. Мөн түүний ачаар би сүүлийн үед үзэгчдийн кино контентод хандах байдал нь уламжлалт урсгалд ямар нөлөө үзүүлснийг бодох боллоо.” гэж хэлсэн байна.

Крист Эванс:

“Бүтээлч контент нь санаачлагатай контентод нөлөөлдөг гэж бодлоо. Би ширээн дээр бүх орон зай байгаа гэж үздэг. Тусгай нэг жанрын дууг “тэр бол дуу биш” гэж байгаатай адил. Хэн тэгж хэлж чадах вэ?” хэмээн хэлсэн байна.