Камила Моррон 23 насны зөрүүтэй үерхлийн шүүмжлэлд хариулт өглөө
2019-12-13 11:09:40
Холливудын жүжигчин Леонардо Ди Каприогийн найз бүсгүй загвар өмсөгч Камила Моррон тэдний 23 насны зөрүүтэй талаарх шүүмжлэлд өөрийн бодлыг илэрхийлжээ.
“Лос Анжелес Таймс” сонины ярилцлагад Камила Моррон(нас 22) үерхэж байгаа Леонардо Ди Каприо(нас 45)-оос 23 насны зөрүүтэй талаар “Холливудын төдийгүй түүхэнд насны зөрүүтэй хосууд их байдаг. Хэн ч байсан өөрийн үерхэхийг хүсэж байгаа хүнтэйгээ үерхэх ёстой” гэж хэлсэн байна.
Мөн тэрээр өөрсдийнх нь харилцаа хүмүүст их сонирхол төрүүлж байгааг ойлгож байна гээд “Магадгүй сонирхол нь төрдөг байх” гэж хэлжээ.
Тэд 2017 оноос үерхэж эхэлсэн ба тухайн үед Камила Моррон 20 настай байсан нь шуугиан тарьж байв.
1997 онд төрсөн Камила Моррон Аргентин гаралтай бүсгүй ба Forever21 болон Moschino зэрэг олон брэндийн загвар өмсөгчөөр ажиллаж байжээ.
