"Monsta X" хамтлагийнхан дуучин "Camila Cabello" -тай тайзны ард зураг даруулжээ

2019-12-18 17:58:15

"Monsta X" хамтлагийнхан дэлхийн од  "Camila Cabello" -тай зургаа даруулжээ. 

Америкийн цомог үйлдвэрлэгч "Epic Records" компани албан ёсны сошиал сувагтаа "Monsta X" хамтлагийнхны "Camila Cabello" дуучинтай тайзны ард даруулсан зургийг нийтэлжээ. 

Зураг дээр "Monsta X" хамтлагийнхан дуучин "Camila Cabello" -той биеэ барилгүй, камер луу эгц харж хоёр хуруугаа гозойлгон V үсгийг харуулж даруулсан байна. "Monsta X" хамтлаг гоёмсог стильтэй, халуухан инээмсэглэж, "Camila Cabello" хурц улаан даашинзтай, дур  булаам гарчээ. 

"Monsta X" хамтлагийнхан болон дуучин "Camila Cabello" Америкийн "Epic Records" компанид харьяалагддаг  бөгөөд, саяхан Америкт болсон "Jingle Ball" шоу аяллын үеэр хамтдаа оролцжээ. Ноднин бас тэд уулзаж байсан тул хоёр дахь удаагаа дотночлон уулзсан бололтой. 

"Monsta X" хамтлагийн "MIDDLE OF THE NIGHT" дуу бол "Грэммийн шагнал" гардуулах ёслолд нэр дэвшсэн, "Taylor Swift", "Ariana Grande" нартай хамтарч ажиллаж байсан "Ali Payami"-ийн продюсерлосон дуу. Шинэ дууны үг аяыг зохиоход гишүүд оролцоцгоож, уянгалаг зөөлөн хоолойгоор дуулсан нь Америкийн фэнүүдэд ихээхэн таалагдсан гэсэн шүү. 

Бас Чикаго B96 "Jingle Bash", Миннеаполис, Филадельфи, Нью-Йорк хотуудын "Jingle Ball" тоглолтод дэлхийн одуудтай нэг тайзанд гарч шинэ дуугаа дуулж, өвөрмөц өнгө төрхөөрөө тайзыг чимэглэн олон оронд танигдах нөөц бололцоотой гэдгээ харуулсан билээ. Дээр дурдсанчлан тэд энэ шоунд урьд нь нэг удаа оролцож байсан туршлагатай. Хамтлагийнхан нэртэй брэнд "Chanel Collection", Америкийн "ABC" сувгийн ярилцлага "LIVE! with Kelly & Ryan" -д орж, дэлхийд нэрд гарах гараагаа амжилттай эхлүүлсэн юм. 

Зургийн эх сурвалж: Starship Entertainment