"Муу Залуус Насан Туршдаа" цувралд Вилл Смит, Мартин Лоуренс нар хамтарлаа

2019-12-21 20:51:33

“Муу Залуус” цуврал олон сэтгэл татам өрнөлөөр дүүрэн байдаг. Өмнөх цувралд байнга зөрчилдөх хоёр жүжигчин хоорондоо зохицож байсан нь маш их эрч хүчийг харуулж байв. Майк гоёмсог “Порше” машин жолооддог бол харин гурван хүүхдийн аав Маркус хуучин “Стэйшн вагон” машин унадаг. Үрэлгэн байдал, зан чанар нь хоорондоо тэс ондоо тэд аливаа хэргийг шийдэхдээ бие биеэ хамгаалж, яг ах дүүс шиг байдлыг харуулдаг.   

Өргөн цар хүрээг хамарсан тулаан ч бас өөрийн үүргийг гүйцэтгэдэг. 1995 оны “Муу Залуус 1” цувралын продюсер Жерри Брукхаймер цуврал бүрд байшин дэлбэрэх, машин уралдуулах, галт зэвсгээр буудалцах зэрэг дэлбэлж тэслэх тулаантайгаар найруулдгаараа цуутай байсан. “Муу Залуус 2” цувралд Майамигийн гүүрийг ундуй сундуй болгодог нь яг л бодит мэт тулалдааныг харуулахын тулд дэлбэлж тэслэх, мөрдөж мөшгөхийг бодит мэтээр найруулсан. Ийнхүү баялаг сайхнаар редакторлахын сацуу сэтгэл түгшээх дуу хөгжим нь үзэгчдийн анхаарлыг маш ихээр татаж байжээ.       

Өмнөх цувралд харуулсан сэтгэл татам байдлыг тэр чигээр нь амьдруулан эргэн ирж байгаа “Муу Залуус Насан Туршдаа(найруулагч Адиль Эль Арби, Билалл Фалла)” цувралыг удаан хүлээсэн шүтэн бишрэгчдэд зориулжээ. Энэ удаагийн цувралд нэгэн үл мэдэгдэх маш том хар тамхины бүлэглэл Майк, Маркус мөрдөгчдийг сүрдүүлэх ба тэд сүүлчийн даалгавраа гүйцэтгэдэг тухай өгүүлнэ.  

Тус цувралд Вилл Смит, Мартин Лоуренс, Жо Пантолиано зэрэг хуучин гишүүд тогложээ. Мөрдөгчөөр эргэн ирсэн Вилл Смит, Мартин Лоуренсаас гадна жүжигчин Жо Пантолиано хар тамхитай тэмцэх хэлтсийн дарга Ховардын дүрийг бүтээж, цувралыг илүү сонирхолтой болгосон байна. “Муу Залуус 1” цувралд жүжигчин Вилл Смитийг сонгож байсан продюсер Жерри Брукхаймер дахин хамтран ажиллажээ. Анхны гишүүд, сонирхолтой түүх, чадварлаг жүжиглэлт нь өмнөх цуврал дахь сэтгэл татам байдлыг дахин харуулах бололтой.         

“Муу Залуус Насан Туршдаа” кино 2020 оны 1 дүгээр сарын 24-ний өдөр нээлтээ хийнэ.