Роберт Паттинсон: Бэтмэнд тоглохын хүслэн болж байсан... Хэрэв дампуурвал порнонд л тоглодог байх даа

2020-01-20 16:35:21

2021 онд нээлтээ хийхээр төлөвлөсөн Бэтмэн кино гол дүрүүдээ сонгож дуусаад зураг авалтаа эхэлжээ. 

Энэ удаа Бэтмэн киноны Брюс Вэйний дүрийг Twilight (2008) цувралаараа нэрд гарсан жүжигчин Роберт Паттинсон бүтээнэ. "Ворнер Брос" компани дүрүүдийн талаар ам алдахгүй байсаар 2019 оны 6 сард албан ёсоор зарласан юм.

Роберт Паттинсон "Twilight" киноноос хойш олон арт кинонд тоглож жүжиглэх ур чадвараа сайжруулсан бөгөөд, Good Time (2017) кинонд чадварлаг жүжиглэснээр тус бүтээл 70 дахь удаагийн Канны кино наадамд өрсөлдөж олны анхааралд өртөж байсан билээ. Мөн тэрээр найруулагч Кристофер Ноланы шинэ бүтээл "Tenet" кинонд гол дүр бүтээнэ. 

Жүжигчин Роберт Паттинсон нэгэн ярилцлагадаа “Яагаад ч юм Бэтмэн ямар нэг сэжмээр надтай холбоотой санагддаг. Тийм болохоор тоглох юмсан гэж үнэн голоосоо хүсэж байлаа. Ер нь цөмөөрөө л Бэтмэнийг гэдэг. Яагаад гэдгийг мэдэхгүй” гэж хэлжээ. 

Роберт Паттинсон 2004 онд “Vanity Fair” киногоор анх дэлгэцнээ гарч, Harry Potter and the Goblet of Fire (2005), Twilight цувралд тоглож дэлхийн олон орны үзэгчдийн хайртай цус сорогчийн дүрээр нь хүмүүс түүнийг сайн мэддэг.  

Одоо Роберт Паттинсон Бэтмэний дүрийг бүтээх гэж байна. “Бүгдээрээ л илүү сайныг хүсэж байгаа. Гэтэл би эхлээ ч үгүй байгаа шүү дээ. Хүмүүсийн үнэлгээнд санаа зовох хэрэггүй байх, би өөрөө өөртөө л сайн шүүмжлэгч байх ёстой” гэжээ. 

Гэхдээ тэрээр “Хэрэв санасандаа хүртэл тоглож чадахгүй бол дараа нь ямар киног сонгох вэ?” гэсэн асуултад “Порнонд л тоглодог байх даа. Урлагийн порно кино” гэж хариулж эвтэйхэн аргалжээ. 

Бэтмэн киноны багийнхан киногоо 2021 оны 6 сарын 25-нд нээхээр зорилт тавин ажиллацгааж байна.