СуперМ хамтлаг Америкийн Эллен шоуд оролцжээ

2019-11-05 17:08:17

СуперМ хамтлаг нь Америкийн нэвтрүүлэгт амжилттай оролцжээ. Тэд NBC телевизийн алдарт Эллен Деженересийн нэвтрүүлгийн зочноор оролцсон байна.

СуперМ хамтлаг нь 10 сарын 9-нд(Америкийн цагаар) Эллен шоу нэвтрүүлгээр гарчээ. Эллен шоу бол Америкийн NBC телевизийн гол нэвтрүүлэг бөгөөд, Америкийн сая сая үзэгчтэй нэвтрүүлгүүдийн нэг юм.

СуперМ нь олны анхаарлыг хүчтэй татаж чаджээ. Шоу студид хамтлагийн гишүүдийг харахаар газар газраас олон зуун хүн цугларчээ.

Хөтлөгч Эллен “СуперМ бол Солонгосын алдартнуудаас бүрдсэн супер хамтлаг юм. К попын Авенжерс гэж болно. Шүтэн бишрэгчид нь ч тэднийг харахаар шөнөжин хүлээлээ” гэж танилцуулжээ.

Нэвтрүүлэг цомгийн нэр болсон "Jopping(Jumping+Poping)" дуугаар эхэлсэн бөгөөд, дуу эхэлмэгц үзэгчид халуун дотноор хүлээн авч, тэднийг дуулж бүжиглэхэд уур амьсгал тун халуухан болсон байна.

Дараа нь "I Can't Stand The Rain" дуугаа дуулжээ. Өчүүхэн ч алдалгүй бүжиглэсэн нь дэндүү гайхалтай.

СуперМ хамтлаг нь 11-р сараас эхлэн Америкийн Техас, Чикаго, Нью-Йорк, Лос-Анжелес, Сиэтл, Канадын Ванкувер хотуудад "We are the future" тоглолтоо хийнэ.