Жонни Деппийг доромжилсон Эмбер Херд

2020-02-14 00:38:51

Холливудын од Эмбер Херд экс нөхөр Жонни Деппийг хүчирхийлсэн нотлох бичлэгийг дэлгэв.

2-р сарын 5-ны өдөр Английн “Дэйли Мэйл” сайт Эмбер Херд, Жонни Деппийг хүчирхийлсэн гэдгийг нотлох бичмэл баримтыг дахин дэлгэв. Олонд дэлгэгдсэн бичлэгт Эмбер Херд, Жонни Деппэд “Эрэгтэй хүн байж хүчирхийллийн хохирогч гэж хэлэхэд чинь хэдэн хүн итгэх бол?”, “Чи надаас том биетэй, хүчтэй. Иргэний төлөөлөгч, шүүгч нар чи бид хоёрын хооронд асар том ялгаа байгааг мэдэх болно” гэж хэлжээ.

Тус сайт 1-р сарын 31-ний өдөр Эмбер Херд нь гэр бүлийн хүчирхийлэгч мөн гэдгийг нотлох баримтыг дэлгэж байсан. Уг бичлэгт Эмбер Херд “Дахин ингэхгүй гэж амлаж чадахгүй. Уур хүрвэл ухаанаа алддаг.” гэж хэлсэн байна. 

Эмбер Херд, Жонни Депп нар “The Rum Diary” кинонд хамтран тоглосноор танилцаж, 2015 оны 2-р сард гэрлэсэн боловч жил хагас ч хүрэхгүй хугацааны дараа тэд салжээ. Тухайн үед Жонни Депп, Эмбер Хердэд сэтгэл санааны хохирлын нөхөн төлбөр гэж 7 сая доллар төлж, салахаар болсон байна. 

Гэвч өнгөрөгч 2-ны өдөр Эмбер Херд, Жонни Депп нарын салахын өмнө муудалцсан бичлэг нийтлэгдэж, Эмбер Хердийн хүчирхийллийн талаарх маргаан газар авав. Тухайн бичлэгт Эмбер Херд, Жонни Деппэд “Би чамайг алгадсан нь үнэн боловч цохиогүй.”, “Чамайг цохисондоо уучлалт гуйя. Гэхдээ гар маань яаж хөдлөөд цохисныг мэдэхгүй байна.” гэж хэлж байгаа зэрэг нь Жонни Деппэд гэр бүлийн хүчирхийлэл үзүүлсэн гэдгийг хүлээн зөвшөөрч байгаа гэлтэй.