Жэймс Камероны “Терминатор: Хувь тавилан” кино “Бид эргэж ирлээ” хэмээх анхны бичлэгээ дэлгэлээ
2019-11-05 17:12:25
Цуврал кино бүтээл туурвигч Жэймс Камерон, анхны дүрүүдийн эргэн ирэлтээр олны сонирхлыг татаад байгаа “Терминатор: Хувь тавилан” киноны хүлээлтийг өсгөх “Бид эргэж ирлээ” хэмээх анхны бичлэгээ дэлгэж үзэгчдийн анхаарлыг татав.
Дэлхийн кино ертөнцийн дурсгалт бүтээл болох “Терминатор” 1, 2-р ангийн үргэлжлэл “Терминатор: Хувь тавилан” кино нь шүүлтийн өдрөөс хойш, ирээдүйгээс ирсэн “Супер цэрэг” Грэйс болон дэвшилтэт технологиор тоноглогдсон хамгийн хүчтэй дайсан Терминатор “Rev-9”-ийн хооронд өрнөх шинэ хувь тавилангийн төлөөх тэмцлийг харуулсан тулаант кино юм.
Энэ бичлэгээр “Терминатор” цувралыг төрүүлсэн Жэймс Камерон, “Дэдпүүл” киноны найруулагч Тим Миллер, жүжигчид өөрсдөө ярьж буй киноны тухай түүх, шинэ тулааныг харуулжээ. “Найруулагч Тим Миллер “Терминатор” 1, 2-р ангийг эргүүлэн авчирчээ” гэж Жэймс Камероны магтаалаар эхлэх уг бичлэгт шинээр гарч ирсэн супер цэрэг “Грэйс(Маккензи Дэвис)” болон хамгийн хүчтэй Терминатор “Rev-9(Габриел Луна)”-ийн тулаанаар “Терминатор: Хувь тавилан” киноны ширүүн тэмцэл хэрхэн өрнөх бол гэсэн сонирхлыг төрүүлнэ. Мөн уг киног бүтээгч Жэймс Камерон “Терминатор: Хувь тавилан” кино таныг цочирдуулах болно” гэж хэлснээр олны анхаарлыг татаад байна. “Терминатор 2”-оос хойш анх удаа “Сара Коннор”-ын дүрээр кинонд эргэн ирсэн Линда Хэмилтон “Тулаант үйл явдал 10 дахин их байх болно” гэж хэлээд урьд хожид харж байгаагүй өргөн цар хүрээтэй байх болно гэжээ. Үүгээрээ шүтэн бишрэгчдийнхээ хүлээлтийг ихээр нэмэгдүүлээд байна. Мөн “Дэдпүүл” киногоор трэнд болж, сэтгэл хөдөлгөсөн тулаант кино бүтээдэг цөөн тооны найруулагчийн нэг Тим Миллер “Энэ кинонд хайр найргүйгээр тулалдана. Зогсож үл болно.” гэж кинондоо сэтгэл өндөр байгаагаа илэрхийлжээ.
Ийнхүү “Терминатор: Хувь тавилан” киноны продюсер Жэймс Камерон, анхны дүрүүдийн эргэн ирэлт, найруулагч Тим Миллер гэсэн энэ шинэ баг хаана ч үзэж байгаагүй давамгай байдал, ширүүн тулаанаар дэвшилтэт технологийн гайхамшгийг харуулахыг зорьжээ. Ялангуяа, “Т-800(Арнольд Шварценеггер)”-ын олон удаагийн буудалтад яах ч үгүй байх хамгийн хүчтэй дайсан “Rev-9”-ийн төгсгөл нь шинээр гарч ирсэн дүрүүдтэй хэрхэн холбогдох, мөн кино цааш хэрхэн үргэлжлэх бол гэдэг нь сонирхлыг ихээр татаж байна.
Жэймс Камерон, Тим Миллер найруулагч болон жүжигчид “Бид эргэн ирлээ” хэмээх бичлэгээ дэлгэж, хүлээлтийг үүсгээд байгаа 2019 оны шилдэг тулаант “Терминатор: Хувь тавилан” кино 11-р сарын 01-нд нээлтээ хийнэ.
