“Jurassic World: Dominion” кино зураг авалт эхэлж... 2021 оны 6-р сард нээлтээ хийнэ

2020-03-02 15:49:55

“Юрийн Галав” цувралын 6 дахь бүтээл “Юрийн Галавын Ертөнц”-ийн 3 дахь анги буюу сүүлийн ангийн зураг авалт эхэлжээ. Тус ангийг “Jurassic World: Dominion” гэж нэрлэхээр болсон байна. 

Тус кинонд үлэг гүрвэлүүдийг байранд нь буцааж, дэлхийн гол эрх мэдлийг сэргээх гэсэн хүн төрөлхтний амь өрссөн тэмцлийг дүрслэх ажээ. “Юрийн Галавын Ертөнц” цувралын 1, 2-р ангид тоглож үзэгчдийн сэтгэл зүрхийг өөртөө татсан Крис Прэтт, Брайс Даллас Ховард тус цувралын сүүлийн ангид мөн хамтран ажиллах аж. “Юрийн Галав” цуврал нь “Юрийн Галавын Цэцэрлэг”-ээс “Юрийн Галавын Ертөнц” болон өргөжиж 30 жилийн турш шүтэн бишрэгчдийнхээ хайр хүндлэлийг олж, ашиг орлогыг авчирсаар иржээ. Тус цувралын олон нийтэд хамгийн ихээр хоногшин үлдсэн бүтээл бол 1993 онд олны хүртээл болсон цувралын анхны анги “Юрийн Галавын Цэцэрлэг” юм. Стивен Спилберг найруулагчийн найруулсан тус бүтээл нь адилхан нэртэй бестселлер болсон романыг кино зохиол болгож, “Юрийн Галавын Цэцэрлэг” гэсэн зохиомжид цэцэрлэгт хүрээлэнгээр дүрсэлсэн нь олны анхаарлыг татсан. Үлэг гүрвэлийг өнгөлөгөөр дүрсэлсэн болон бодит мэт сэтгэл түгшээсэн нь олны хайр хүндлэлийг хүлээж, байгаль дэлхийг сөрөн эсэргүүцэх гэсэн хүн төрөлхтөнд учрах аюул, үлэг гүрвэл ба хүн төрөлхтөн хамтдаа оршин тогтнож чадах эсэхийг харуулж, киноны түүхэнд гүн сэтгэгдэл үлдээжээ. 

Ирэх жил олны хүртээл болох шинэ бүтээлд 1990-ээд оны анхны цувралын гол дүрүүд тус бүтээлд эргэн ирж байгаа нь илүү сонирхол татах нь аргагүй гэлтэй. “Юрийн Галавын Цэцэрлэг” киноны гол дүр Сэм Нэйлл, Лаура Дэрн, Жэфф Голдблум зэрэг жүжигчид "Jurassic Wolrd: Dominion” кинонд тоглож дурсамжийг сэдрээх ажээ. Ялангуяа Сэм Нэйлл, Лаура Дэрн нар 2001 онд бүтээгдсэн “Юрийн Галавын Цэцэрлэг 3” киноноос хойш удаан хугацааны дараа “Юрийн Галав” цувралд тоглож байгаа нь илүү утга учиртай гэлтэй. Жэфф Голдблум “Юрийн Галавын Ертөнц: Мөхсөн Вант Улс” кинонд хэсэгхэн гардаг ба 1997 онд бүтээгдсэн “Юрийн Галавын Цэцэрлэг 2” кинонд гол дүрийг бүтээсэн байдаг. 

“Юрийн Галавын Ертөнц”-ийн 1-р ангийг найруулсан Колин Треворроу найруулагч "Jurassic World: Dominion” киног найруулснаар тус цуврал дуусах ажээ. Энэхүү шинэ анги нь 1, 2-р ангитай харьцуулахад анхны цувралын онгон байгаль орчинтой илүү дөхөх ажээ. 

"Jurassic World: Dominion" 2021 оны 6-р сард нээлтээ хийнэ.