72 настай “Терминатор” Арнольд Шварценеггерийн эрч хүч

2019-11-05 17:16:40

Арнольд Шварценеггерийн гол бүтээл “Терминатор” цуврал тун удахгүй олны хүртээл болно.

“Терминатор: Эхлэл” гарснаас 3 жилийн дараа “Терминатор: Хувь тавилан” нэртэйгээр эргэн ирж байна. 

“Терминатор: Хувь тавилан” кино нь шүүлтийн өдрөөс хойш, ирээдүйгээс ирсэн “Супер цэрэг” Грэйс болон дэвшилтэт технологиор тоноглогдсон хамгийн хүчтэй дайсан Терминатор “Rev-9”-ийн хооронд өрнөх шинэ хувь тавилангийн төлөөх тэмцлийг харуулсан тулаант кино юм.  

Тус киноны дүрийн постер нь “Терминатор” цувралын бэлгэдэл хийгээд анхны дүр болох “Т-800”,  “Сара Коннор”-оос гадна өөр шинэ дүрүүд орж ирсэн нь ихээхэн анхаарал татаж байгаа. 

Киноны дүрийг бэлгэдэх нарны шилтэй, буу барьсан “Т-800(Арнольд Шварценеггер)”-ийн дүр “Терминатор 1, 2”-ыг санагдуулж, хэрхэн буцаж ирсэн бол гэсэн сонирхлыг төрүүлнэ. Мөн бусдыг өөртөө татаж чаддаг анхны дүр болох “Сара Коннор(Линда Хэмилтон)” нь урьдын адил тулаанд бэлдэх дайчны дүрээр “Шүүлтийн өдөр”-ийн дараа ч Терминатор болон хүн төрөлхтний хооронд дайн дуусаагүйг урьдчилан мэдэгдэнэ.  

Хүн төрөлхтний шинэ найдвар “Дэнни(Наталия Рейес), түүнийг хамгаалан зогсох супер цэрэг “Грэйс(Маккензи Дэвис)”-ийн дүр сонирхол татах ба хэрхэн тулалдах бол гэсэн хүлээлтийг үүсгээд байна.

Түүгээр зогсохгүй Терминатор “Rev-9(Габриел Луна)” нь өвөрмөц улаан хурц нүдтэй, дэвшилтэт технологиор тоногдлогдсон үнэхээр хүчтэй дайсан гарч ирэхийг зарлана. 

“Терминатор: Хувь тавилан” кино 11-р сарын 01-нд нээлтээ хийнэ.