“Warner Bros” компани "Нью-Йорк, Лос Анжелес зэрэг хотуудын кинотеатрууд бүрэн нээгдсэн тохиолдолд “Tenet” киног олны хүртээл болгоно" гэв
2020-05-18 16:32:58
"Warner Bros" компани Кристофер Нолан найруулагчийн шинэ бүтээл “Tenet” мөн “Wonder Woman 1984” киног тогтсон хугацаандаа олны хүртээл болгохоор нээлтийн хугацааг хатуу сахиж байна. Гэвч энэ нь Нью-Йорк, Лос Анжелес зэрэг хотуудын кинотеатрууд бүрэн нээгдсэн гэсэн шаардлагыг хангасан байх ёстой ажээ.
5-р сарын 14-ний өдөр Америкийн “Screen Rant” сайтын мэдээлснээр “Warner Bros” компани “Tenet” киноны нээлтийг төлөвлөсний дагуу 7-р сарын 17-ны өдөр хийх аж. Шинэ төрлийн коронавирусын халдвар тархаж байгаа ч Warner Bros “Tenet” киноны нээлтийн өдрийг өөрчлөөгүй байна.
“The Washington Post”-ийн мэдээлснээр Warner Bros Нью-Йорк, Лос Анжелес хотуудын кинотеатрууд бүрэн нээгдсэн гэсэн шаардлагыг хангавал нээлтийн өдрийн хугацааг хойшлуулахгүй хэмээн мэдэгджээ.
“Warner Bros” компани “Tenet” киноны шинэ трэйлерийг удахгүй цацах аж. Мөн 6-р сараас эхлэн “Tenet” киноны талаарх сурталчилгааг албан ёсоор эхлүүлэх ажээ. Одоогоор “Warner Bros” компани, Кристофер Нолан найруулагч кинотеатруудтай халдваргүйжүүлэлтийн гарын авлага зэргийг боловсруулж байгаа гэж мэдэгдээд байна.
