Хойшлогдсоор →хойшлогдсоор→хойшлогдсоор... “Шинэ Мутантууд” киноны нээлтийн өдөр батлагджээ
2020-08-19 17:42:24
2 жилийн хугацаанд хэд хэдэн удаа нээлтийн өдрөө хойшлуулаад байсан “Икс Хүмүүс”-ийн шинэ анги “Шинэ Мутантууд” киноны нээлтийг Уолт Дисней компани 8-р сард хийхээр баталсан гэдгээ зарлажээ. Тус кинонд нууц байгууламжид хоригдсон дийлдэшгүй хүч чадлаа хэрхэн удирдахыг мэдэхгүй өсвөр насны Мутантууд өөрсдийн айдастайгаа нүүр тулж байгаа тухай өгүүлдэг. 1982 онд анх хэвлэгдсэн “Marvel Graphic Novel”-ийн Шинэ Мутантууд комик номоос сэдэвчилсэн бүтээл юм.
"Шинэ Мутантууд" кино нь анх 2018 оны 4-р сард нээлтээ хийхээр товлосон боловч нэмэлт зураг авалт хийх нэрийдлээр хойшлогдсон байна. Улмаар 2019 оны 2-р сар болон 8-р сар, түүнчлэн 2020 оны 4-р сар гээд хойшлогдсоор коронавируст халдварын тархалтын улмаас 2020 оны 8-р сар луу хойшлогджээ.
Тус кино 8-р сарын 28-ны өдөр нээлтээ хийнэ.
Зургийн эх сурвалж: 20th century fox
