<Warner Bros Pictures> -ийн шинэ бүтээл “Wonder Woman 1984” кино зул сараар...
2020-09-17 13:49:10
DC-ийн цуврал “Wonder Woman 1984” киноны нээлт бүх Америкт 10-р сарын 2-ны өдөр байсныг 12-р сарын 25 буюу зул сарын өдөр нээхээр дахин хойшлуулжээ” гэж “Variety” сэтгүүл гэх мэт хэвлэл мэдээллийнхэн нэгэн зэрэг мэдээлжээ.
Өмнөх бүтээлээс 70 жилийн дараах буюу 1984 оны талаар өгүүлэх Wonder Woman-ий шинэ тулааныг харуулах тус бүтээл коронавируст халдварын нөлөөгөөр олон удаа нээлтийн өдрөө хойшлуулаад байгаа. Анх 2020 оны 6-р сарын 5-ны өдөр байсныг 8-р сарын 14-ний өдөр болгож, мөн дахин 10-р сарын 2-ны өдөр болгож хойшлуулсан байна.
“Warner Bros Pictures” -ийн захирал Тоби Эммерих киноны нээлт хойшилсныг албан ёсоор мэдэгдэж, мөн тэрээр Пэтти Женкинс найруулагчийн тухайд “Дэлхийн бүх насны кинонд дурлагсдад таалагдана гэдэгт итгэлтэй байгаа бөгөөд эрч хүчтэй киног бүтээсэн” гэж магтаж, “Тус бүтээлээр бахархаж байна. Баярын өдрөөр та бүхэнд толилуулах болно” гэж хэлжээ.
Америкт 9-р сарын 3-ны өдөр Кристофер Нолан найруулагчийн “ТЕНЕТ” кино нээлтээ хийсэн боловч кино театруудын 65% нь үйл ажиллагаагаа дахин эхлүүлээд байгаа. Харин Лос-Анжелес зэрэг томоохон зорилтот зах зээл нь үйл ажиллагаагаа хараахан нээгээгүй байгаа бөгөөд суудлын тоог хязгаарлаж байгаа ч амжилттай, зоригтой тэмцсэн. Нээлтийн өдрөө хойшлуулах шийдвэр нь Лос-Анжелес, Нью-Йорк зэрэг гол хотуудын кино театрууд үйл ажиллагаагаа дахин эхлүүлэхэд “ТЕНЕТ” кинотой давхцахаас зайлсхийж байгаа бололтой.
Тимоти Шаламегийн гол дүрд нь тоглосон шинжлэх ухаан, уран зөгнөлт “DUNE” киноны нээлтийг "Wonder Woman 1984” киноны нээлт болохоос долоо хоногийн өмнө буюу 12-р сарын 18-ны өдөр хийхээр төлөвлөж байгаа боловч, мөн адил давхцалаас зайлсхийхийн тулд өөрчилж магадгүй. Үүнийг нотлох мэт саяхан цацагдсан трэйлерт нээлт хийх өдөр нь тодорхойгүй байсан байна.
