"She Hulk" киноны гол дүрийг бүтээх жүжигчин...
2020-09-24 14:55:15
9-р сарын 18-ны өдөр Америкийн урлаг оддын тухай нийтэлдэг “Deadline” зэрэг сайтуудад мэдээлснээр Марвел “She Hulk” киноны гол дүрд тоглох жүжигчинг нэрлэжээ. Тэрээр Канад гаралтай Татьяна Маслани бөгөөд “Orphan Black” цувралын гол дүрээрээ 2016 оны “Emmy Awards”-аас олон ангит киноны шилдэг эмэгтэй дүрийн шагналыг хүртэж, жүжиглэх чадвараа баталж байсан.
“She Hulk” кинонд Халк буюу Роберт Брюс Беннерийн үеэл, өмгөөлөгч Женнифер Уолтерс осолд орсны улмаас Беннерээс яаралтай цус сэлбүүлснээр Халкийн хүч чадалтай болдог. “Авенжерс”-ийн гишүүдтэй хамт баатрын идэвхтэй үйл ажиллагааны тухай өгүүлэх ажээ. Тус киног “Дисней плас”-аар дамжуулан драма цувралаар гаргах аж. Жүжигчин Марк Руффало өөрийн твиттерт жиргэхдээ, эмэгтэй Халкийн дүрийг бүтээхээр болсон Масланид хандан “Манай гэр бүлд тавтай морил” гэж хэлжээ.
