“Жигтэй явдал” кинонд ахлах сургуулийн сурагчийн бие нь хэрцгий алуурчны биетэй солигдож...

2020-11-05 00:59:55

“Жигтэй явдал” кино нь дундаас доогуур үнэлэгддэг, байгаа байхгүй нь мэдэгддэггүй ахлах сургуулийн сурагч Миллигийн бие санаандгүй дунд насны хэрцгий алуурчны биетэй солигддог инээдмийн болон аймшгийн төрлийн кино юм. Олон нийтэд цацагдсан албан ёсны трэйлерт уйтгартай өнгө аястай хөгжим, хөгжилтэй өнгө аястай хэдий ч аллагатай нь анхаарал татна. Энгийн нэгэн өсвөр насны охин Милли(Кэтрин Ньютон) руу гэнэт хэрцгий алуурчин(Винс Вон) халддаг. Милли халдлагын дараа сэрэхэд түүний бие нь алуурчны биетэй солигдсон байдаг.

Ялангуяа гаднаас нь харахад ахлах сургуулийн сурагч Милли хэдий ч дотроо хэрцгий алуурчин, дунд насны алуурчин болж өөрчлөгдсөн Милли нарын дунд өрнөх хөгжилтэй бөгөөд аймшигтай адал явдал. Мөн бүтэлгүй хэдий ч найзаа гэсэн сэтгэлтэй Миллигийн найзуудын хөгжөөнт байдал, алуурчнаас өөрийнхөө биеийг эргүүлэн авахын тулд элдэн хөөх нь сонирхолтой хийгээд түгшүүртэй байдал нь сонирхол татна.

Блумхаус болон найруулагч Кристофер Лэндон нар анх “Cupid” кинонд хамтарч ажиллаж байсан бөгөөд тэд Жигтэй явдал кинонд дахин хамтран ажиллаж байгаа нь анхаарал татаж байна. Энэ кино нь “Cupid”-аас нэг шат ахисан аймшгийг харуулах ажээ. Холливудын чадварлаг жүжигчин Винс Вон ахлах сургуулийн сурагчийн биед орсон хэрцгий алуурчны дүрийг бүтээж, инээд хийгээд аймшгийг хослуулах ажээ. Мөн “Нетфликс”-ийн алдартай олон ангит кино “The Society” киногоороо олонд танигдсан Кэтрон Ньютон энгийн нэгэн ахлах сургуулийн сурагчаас дунд насны хэрцгий алуурчин болж өөрчлөгдсөн Миллигийн дүрийг бүтээн үзэгчдийг алмайруулах аж.

“Жигтэй явдал” кино 2020 оны 11-р сарын 13-ны өдөр нээлтээ хийнэ.