“Раяа ба Сүүлчийн Луу” Хүн ба луугийн бүтээсэн итгэл найдварын ертөнц

2021-03-11 20:38:56

Диснейн гүнжүүд өөрчлөгджээ. Гоёмсог даашинзын оронд сэлэм эргэлдүүлэх аж.

2021 оны 3-р сарын 12-ны өдөр нээлтээ хийхээр төлөвлөж байгаа “Раяа ба Сүүлчийн Луу” бол харанхуйн хүчний улмаас хуваагдсан Кумандра хаант улсыг аврахын тулд зоригт дайчин Раяа гүнж эртний домогт гардаг сүүлчийн луу Сисугийн эрэлд гарч гайхалтай адал явдлууд өрнөдөг уран зөгнөлт, тулаант анимэйшн юм. 

Кумандра хаант улсад хүн, луу хоёр эв найрамдалтай хамтран амьдарч байсан боловч хорон муугийн хүч Дрүүн гарч ирдэг. Тулааны төгсгөлд үлдсэн дөрвөн луу хүн төрөлхтнийг аврахын тулд ид шидийн сүнс болох луу Жэмийг бүтээн өөрийгөө золиослон алга болно. Ийнхүү нэг хаант улс таван (Зүрхтэн, Соёотон, Нуруутан, Сүүлтэн, Савартан) овог болж хуваагдана. 

500 жилийн дараа, овгууд илүү ихийг хүсэн ид шидийн сүнс Жэмийн төлөө тулалдсанаар аюулд унадаг. Жэм нь таван хэсэг болж хуваагдаж, тарж бутарсан Кумандра хаант улсаа нэгтгэхийн тулд Раяа домогт гардаг сүүлчийн луу Сису болон Жэмийн эрэлд гардаг. 

“Раяа ба Сүүлчийн Луу” бол Диснейн Зүүн Өмнөд Азийн соёлыг тусгасан анхны анимэйшн юм. Зүүн Өмнөд Азийн дүүрэн улаан дэнлүүтэй гудамж, усан дээрх тосгон, хийд, мөн суваргыг бэлгэдсэн Раяагийн малгай гэх зэрэг дасал болсон хэрнээ үнэхээр сонирхол татам.   

Тулааны хэсгийг өргөн дэлгэцээр үзэх нь хамгийн сонирхолтой. Үүнд Индонезийн уламжлалт тулааны урлаг пенчак силат, Филиппиний тулааны урлаг арнис зэрэг Зүүн Өмнөд Азийн тулааны урлагийг хослуулсан байна. Ялангуяа тулаант кинонд байнга гардаг байсан арнисыг бүрэн эзэмшсэн Раяа урьд хожид байгаагүй хамгийн хүчтэй Диснейн дайчин гүнж гэж хэлэгдэхээр аж. Сису луу нь усан дээгүүр гүйж буй дүрс нь Диснейн өвөрмөц хийгээд сайн техникийн чадварыг харуулж байна.     

Өнгөрсөн хугацаанд Диснейн анимэйшн “өөртөө итгэ” гэсэн санааг хүчтэй хүргэж байсан. Харин “Раяа” нь бие биедээ үл итгэдэг, нэг нэгнээ буруутгадаг эрин үед амьдарч байгаа орчин цагийн хүмүүст бусдад итгэх нь хамгийн агуу зориг хийгээд бэлэг юм гэсэн санааг хүргэх аж.

Гэр бүлийн бүх гишүүдэд зориулсан хөнгөн жанрын кино юм. Зүрхтэн овгийн Раяа бусад овгийн хүмүүстэй хамт Кумандра хаант улсаа нэгтгэх үеийн инээд хөөр, сэтгэл хөдлөлийг хамт мэдрэх болно.

“Раяа ба Сүүлчийн Луу” анимэйшн нь 2021 оны 3-р сарын 12-ны өдөр нээлтээ хийнэ.