“Круэлла” Эмма Стоун, санаанд оромгүй өөрчлөгдсөн дүр “Асуудал тарихыг хүсэж байна.”

2021-03-23 22:20:18

63 дахь удаагийн Грэмми шагнал гардуулах ёслолоор Уолт Дисней студи “Круэлла” киноны шинэ трэйлерийг олон нийтэд цацав. Анх цацагдсан трэйлерээс илүү хар бараан байдлыг харуулсан бөгөөд Эмма Стоуны хар цагаан үс сэтгэл татам байх аж. 2021 оны 5-р сард нээлтээ хийхээр төлөвлөж байгаа Диснейн “101 гөлөг” анимэйшний хорон санаатан Круэллагийн соло кино юм. Тус кинонд Эмма Стоунтай хамт Эмма Томпсон, Эмили Бичем, Марк Стронг, Пол Уолтер Хаузер зэрэг жүжигчид тоглосон байна. 

Тус өдөр цацагдсан трэйлерээс харахад, улаан үстэй залуу бүсгүй Круэлла “Энэ ертөнц боломжоор дүүрэн”, “Би бүтээл хийхийг хүсэж байна. Мөн асуудал тарихыг хүсэж байна” гэх зэргээр хүсэл тэмүүллээ харуулдаг. Диснейн шүтэн бишрэгчид “Эмэгтэй Жокер байна”, “Диснейн Харли Квинн юм уу?” гэцгээн Диснейн шинэ хорон санаатан төрсөнд баяртай байгаагаа илэрхийлжээ.

“Круэлла” 2021 оны 5-р сарын 28-ны өдөр нээлтээ хийнэ. 

Зургийн эх сурвалж: Disney