R ангиллын тулаант жанрын → “The Suicide Squad” киноны шинэ трейлер цацагджээ

2021-04-06 14:07:05

Марвелын “Галактикийн Хамгаалагчид”-ыг найруулсан Жэймс Ганн найруулагч энэ удаа DC-д найруулагчаар ажиллаж байна. Тэрээр дэлхийн хорон санаатнууд бүгд цугласан “The Suicide Squad” киног найруулна. 2021 оны 3-р сарын 27-ны өдөр "Warner bros" 2021 оны 8-р сард нээлтээ хийхээр төлөвлөж байгаа “The Suicide Squad” киноны албан ёсны трейлерийг цацжээ. Тус кино нь 2016 онд олны хүртээл болсон Дэвид Эйер найруулагчийн “Suicide Squad”-д өгүүлсэн ертөнцийг үзэх үзлийг харуулсан өөр нэгэн кино юм. “Галактикийн Хамгаалагчид” цувралын эх зохиолыг бичиж найруулсан, “Авенжерс: Цаглашгүй дайн”, “Авенжерс: Эцсийн тулаан” кинонуудын төлөвлөлтийг хариуцаж байсан Жэймс Ганн найруулагчийн өвөрмөц хошигнолыг тусгасан тус бүтээл нь үзэгчдийн заавал үзэх ёстой бүтээлүүдийн жагсаалтад багтаад байна.   

Онцгойлон Идрис Эльба, Майкл Рүүкер, Шон Ганн зэрэг MCU-д тоглож, олны танил болсон жүжигчид бүгд цуглан нүд хужирлах ажээ. Мөн Кинг Шаркын дууг Сильвестр Сталлоне оруулах аж. Бэлль Рив шоронд хоригдож байсан хоригдлууд 10 жилийн ялаа хөнгөрүүлэх нөхцөлтэйгөөр өмнө нь улс төрийн гэмт хэрэгтнүүдийг хорьж туршилт хийж байсан нацистын гяндан болон Ётунхеймыг устгахын тулд “Task force X” болж Корто Малтис(Мальтезе) арал дээр тусгай даалгавар биелүүлж байгаа тухай гарна. Харли Квинн, Бладспорт, Пийсмэйкер, Капитан Бумеранг, Кинг Шарк, Раткатчер 2, Савант, Блэкгард, Жавлин нар “Suicide Squad”-ийн гишүүд болсон гэмт хэрэгтнүүд бүдэд нь маш жижигхэн бөмбөг суулгаж тушаал зөрчих үед дэлбэрнэ гэсэн айдастайгаар Рик Флэг хурандаатай хамт даалгавар биелүүлэхээр явна.    Хүлээлттэй харьцуулахад сайн үнэлгээ авч чадаагүй “Suicide Squad” киног бодвол “The Suicide Squad”-ийн трейлер цацагдмагцаа тэсрэлт хийгээд байна. 

“The Suicide Squad” кино өсвөр насныхан үзэх боломжгүй R ангиллын кино бөгөөд 2021 оны 8-р сарын 6-ны өдөр нээлтээ хийхээр төлөвлөж байна.