“Варнер Брос” компани “Жокер 2” киног хийхээр төлөвлөж байна

2021-05-16 13:13:26

“The Hollywood Reporter” сайт нь 2021 оны 5-р сарын 5-ны өдөр “Варнер Брос” компани хийхээр төлөвлөж буй бүтээлийн жагсаалтад “Жокер 2” киног оруулсан байна гэж нийтэлжээ. Өмнө нь 2019 оны 11-р сард “Жокер” кино нь санаснаас илүү үзэгчдэд хүрсэн учир дараагийн ангийг бүтээх гэж байгаа хэмээжээ. 

“Варнер Брос” компани Хоакин Феникстай дараагийн цувралд ч хамтран ажилламаар байгаагаа илэрхийлэн түүнд их хэмжээний мөнгө төлөх гэж байгаа гэсэн цуу яриа тарж байсан. Гэвч найруулагч Тодд Филлипс, жүжигчин Хоакин Феникс нар “Жокер 2” киноны талаар ямар нэгэн байр сууриа илэрхийлээгүй. 

“Жокер” кино дэлхий дахинаас 1 тэрбум долларын орлого олжээ. Үе үеийн комик номын кинонуудаас бүтээсэн зардлыг нь харьцуулахад маш их орлого олсон бүтээл болсон байна. “Жокер” киног бүтээхэд 62.5 сая доллар зарцуулж, 16 дахин их орлого олжээ. Дэлхийн 2 дахь киноны зах зээл болох Хятадад нээлт хийлгүйгээр ийм хэмжээний амжилт үзүүлсэн гэдгээрээ бүр ч их онцгой ажээ. “Жокер” сайн кино гэдэг нь хүлээн зөвшөөрөгдөж, инээдмийн киноноос түүхэндээ анх удаа Венецийн олон улсын кино наадмаас алтан арслан шагнал хүртэж, дэлхий дахинаа шуугиан тарьсан билээ.