“Space Jam: A New Legacy”, Уорнерын баатрууд нэг дор

2021-07-05 23:14:05

“Space Jam: A New Legacy” нь сагсан бөмбөгийн хаан Жеймс, Багз Банни, Лола Банни зэрэг Луни Тюнзын баатрууд дижитал ертөнцөд одоогийн дүрэм үл үйлчлэх сагсан бөмбөгийн санаанд оромгүй тогтолтыг харуулсан анимэйшн юм. Талбайн хаан Жеймс нь Луни Тюнзын баатруудын мөрөөдлийн баг, шилдэг тамирчдаас бүрдсэн хүчирхэг баг болох Тюнигийн багийг үүсгэн байгуулдаг. Тэгээд AI-G Rhythm(Don Cheadle)-ийн удирддаг “Warner 3000 entertainment”-ийн “Сервервэрс” виртуал орчинд Гүүний багийн эсрэг тоглодог. 

Леброн сагсан бөмбөгийн ур чадвараа кинонд ч гайхалтай харуулдаг төдийгүй хүүхэлдэйн баатруудтай гар нийлж байгаа нь үнэхээр гайхалтай ажээ. Тюнигийн багт дараах тамирчид багтсан байна. Сагсуу гэдгээрээ бусдын хайрыг татдаг онгироо туулай “Багз Банни”, эцэст нь менежерийн ажлыг авсан нугас “Даффи Дак”, багийн жинхэнэ тоглогч “Твити”, үнэндээ мундаг рэппер “Порки Пиг”, бийб бийб гэж дуугардаг гол дамжуулагч “Роад Раннер”, зүгээр гүйгээд байдаг “Вайли Э.Койот”, цорын ганц шалмаг чадвартай Зендая дүрийг нь бүтээсэн “Лола Банни”.

Кинг-Конг, Iron Giant, Жокер, Маск, “It” киноны Пеннивайз, “Mad Max”-ийн War boys, “Матриц”-ийн Морфеус, Смит, Франкенштейний JR., “Харри Портер”-ийн Лорд Волдэморт, “Бэтмен”-ий Пингвинмен зэрэг олон дүрүүд гарах ажээ. Мөн бүх оддын тоглолттой төстэй NBA, WNBA-ийн одууд хэсэгхэн гарах аж. Малкольм Д.Ли найруулагчаар нь, “Хар Пантер” киноны найруулагч Райан Куглер продюсероор нь ажилласан байна. 

“Space Jam: A New Legacy” нь энэ цаг үеийн дэлхий ертөнцийн трэнд болсон 3 хэмжээст метаверс виртуал орчин дээр хийгдсэнээрээ анхаарал татаж байгаа. Төсөөлж буй бүхэн боломжтой метаверс орчинд бүх дүрмийг зөрчин оноо авах, нэмэлт оноо өгөх гэх зэрэг их чөлөөтэйгөөр, бодитоор код бичин тоглоом бүтээж болно гэдгийг харуулсан нь үнэхээр гайхалтай гэлтэй.  

1996 онд тухайн үеийн спортын шилдэг од Майкл Жордан тоглож, дэлхий дахинаас 230 сая долларын орлого олж, өнөөг хүртэл сагсан бөмбөгийн тухай киноны жагсаалтад 1-рт бичигдэж байгаа “Space Jam” киноны дараагийн анги юм. 

25 жилийн дараа эргэн ирж, настай үеийнхэнд өмнөх ангийн дурсамжийг сэдрээж, энэ цагийн шинэ үеийнхэнд шинэлэг байдлыг уран нарийнаар дүрсэлсэн уг кино нь гэр бүлээрээ хамтдаа хөгжилдөн үзэх онцгой кино болно гэсэн хүлээлт үүсгээд байна. 2021 оны 7-р сард нээлтээ хийнэ. 

Зургийн эх сурвалж: Warner bros