“Шан-Чи болон Арван Бөгжний Домог” киноны постер цацагдлаа

2021-08-13 23:50:36

Марвел фаз 4-ийн NEW супер баатар “Шан-Чи болон Арван Бөгжний Домог” киноны арван бөгжний туйлын хүч чадал, түүнийг удирддаг Шан-Чин ер бусын дүр төрхийг харуулсан постер цацагдлаа. Харизматай нүүр хувирлаар арван бөгжийг удирдах Шан-Чин дүр төрх нь хүний хязгаарыг давсан ер бусын хүч чадалтай, бусдаас өөр супер баатар төрснийг илтгэх ажээ. Мөн тэрээр аавынхаа удирдлага дор алуурчин болохоор бэлтгэгддэг хэдий ч, үүнээс татгалзан өөрийнхөөрөө амьдарч байсан Шан-Чи нь өөрийн далд хүч чадлаа ухаарч, супер баатар хэрхэн болсон бэ гэдэг нь сонирхлыг татах аж. Ялангуяа, арван бөгжний төлөө хэн нэгэнтэй хүч үзэн тулалдаж байгаа дүр төрх нь “Шан-Чи болон Арван Бөгжний Домог” кинонд л гайхалтай, туйлын нарийвчлалтайгаар харуулах тулаан нь үнэхээр их хүлээлтийг үүсгээд байна.

2021 оны 9-р сард нээлтээ хийх “Шан-Чи болон Арван Бөгжний Домог” кино нь Марвелын арван бөгжний агуу домгийн хүчээр харанхуй ертөнцийг захирч байсан аав “Вэньву”, алуурчны замаас татгалзан өөрийн жинхэнэ хүч чадлаа ухаарсан ер бусын баатар Шан-Чин зайлсхийх аргагүй хувь тавилангийн тэмцлийг харуулсан супер баатартай тулаант блокбастер кино юм. Марвелын шинэ, хүчтэй баатар Шан-Чин төрөлт, нууц байсан домогт “Арван бөгж” бүлгэмийн талаар анх удаа өгүүлэх тус кинонд Шан-Чин дүрийг нетфликсийн “Kim’s Convenience”-аар олонд танигдсан Симу Лю бүтээж, Тони Люн, Мишель Йео, Аквафина зэрэг өмнөө барьдаг жүжигчид хамтдаа нэгдсэн нь илүү их хүлээлт үүсгээд байна.   

Марвелын ертөнцийг үзэх үзлийн шинэ эхлэлийг илтгэж, дэлхий дахинаа хүлээлт үүсгээд байгаа “Шан-Чи болон Арван Бөгжний Домог” кино 2021 оны 9-р сард нээлтээ хийнэ. 

Зургийн эх сурвалж: Disney