Хувийн мэдээлэл нь бүгд ил болсон Питер Паркер, хамгийн ноцтой аюултай нүүр тулна
2021-11-19 13:18:21
2021 оны хамгийн их хүлээлт үүсгээд байгаа бүтээл болох “Хүн-Аалз: Буцах замгүй” кино нь хэн болох нь ил болсон Хүн-Аалзын талаар өгүүлэх нь хүлээлт үүсгээд байна. “Хүн-Аалз: Буцах замгүй” кино нь Хүн аалз болох “Питер Паркер(Том Холланд)” хувийн мэдээлэл нь ил болсноор тэрээр асуудлыг шийдвэрлэхийн тулд “Доктор Стрэйнж(Бенедикт Камбербэтч)”-ээс тусламж авч байхад санаандгүй олон ертөнцийн үүд нээгдэн, эртний дайсан “Доктор Октавиус(Альфред Молина)” гарч ирэх ба түүхэн дэх хамгийн аюултай нөхцөл байдалтай нүүр тулах тухай өгүүлэх Марвелын тулаант блокбастер кино юм.
“Хүн-Аалз: Буцах замгүй” кино нь “Хүн-Аалз: Гэрээсээ Холдсон нь”(2019)-д Мистериогоос болж хэн болох нь илчлэгдсэнээс хойшхи түүхийг өгүүлэх ажээ. “Хүн аалз” цувралд өмнө нь хэзээ ч өөрийгөө ингэж бүрэн илчилж байгаагүй билээ. Мөн Питер Паркер өөрийг нь Хүн-Аалз гэдгийг мэдсэн хүмүүсийн ой санамжаас нь арилгахын тулд Доктор Стрэйнж дээр очиж байгаа нь “Хүн-Аалз: Буцах замгүй” кинонд өрнөх бүх үйл явдлын гол учиг гэлтэй. Доктор Стрэйнжээс тусламж авч байхад санаандгүй цаг хугацааны тэнцвэр алдагдаж олон ертөнцийн үүд нээгдэн, үүний улмаас “Хүн-Аалз 2”(2004)-оос хойш 17 жилийн дараа дахин гарч ирсэн Док Октой нүүр тулах гэх зэрэг хамгийн аюултай нөхцөл байдалд орсон Хүн-Аалз аюулыг хэрхэн даван туулах бол гэдэг нь сонирхол татаж байна.
Ийнхүү “Хүн-Аалз: Буцах замгүй” кино нь MCU фаз 4-ийн гол цөм олон ертөнцийн талаар өгүүлэх ба өргөжин тэлсэн ертөнцийг үзэх үзэл нь илүү нарийвчлалтай, нэг шат ахиу тулалдаан, өмнөх “Хүн-Аалз” цувралын хорон санаатнууд дахин гарч ирэх гэх зэрэг олон янзын үзүүштэй цувралаар хамгийн шилдэг сонирхолтой түүхийг өгүүлэх нь хүлээлт үүсгээд байна. “Хүн-Аалз” цувралд түүхэнд анх удаа хэн болох нь илчлэгдсэн Хүн-Аалз “Питер Паркер”-ын тухай өгүүлж, үнэхээр их сонирхол татаад байгаа “Хүн-Аалз: Буцах Замгүй” кино нь 2021 оны 12-р сарын 17-ны өдөр нээлтээ хийнэ.
