Хүн-Аалз: Буцах замгүй кино нь Боксоффист 1 тэрбум доллар давав... Цар тахлын дараах хамгийн их орлоготой кино боллоо

2021-12-30 18:03:22

“Хүн-Аалз: Буцах Замгүй” кино цар тахлаас хойших хамгийн их орлоготой бүтээл болов. Хүн-Аалз кино нээлтээ хийснээс хоёр долоо хоногт дэлхийн боксоффисоос 1 гаруй тэрбум долларын орлого олжээ. “Comscore” судалгааны компанийн судалгаанаас үзэхэд цар тахлын өмнөхөн 1 тэрбум доллар давсан кино бол 2019 онд нээлтээ хийсэн “Оддын Дайн: Скайуокерын Сэргэн Мандалт” кино байсан. Хоёр жилийн өмнө цар тахал эхэлснээс хойш Холливудын ямар ч кино 1 тэрбум долларын ханыг давж чадаагүй. “Marvel Cinematic Universe”-ийн шинэ бүтээл “Хүн-Аалз: Буцах Замгүй” кино өнгөрсөн амралтын өдрүүдэд глобал боксоффист 1.5 тэрбумын орлого олсон байна. “Sony”, “Disney” хамтран бүтээсэн энэхүү кино нь ковид 19-ийн омикрон мутацийн улмаас нөхцөл байдал хүнд үед нээлтээ хийсэн боловч, киноны урьдчилсан үзвэр явагдаад 2 долоо хоног ч болоогүй байхад ийм түүхэн амжилтыг бүтээгээд байна. Дэлхийн киноны хамгийн том зах зээл болох Хятад улсад хараахан нээлтээ хийгээгүй байгаа ч, ийм амжилтыг тогтоогоод байна.  

Тус киног Диснейн Марвел студи болон Сони компани хамтран бүтээжээ. Дисней, Марвел Студи, Сони компаниуд 2015 онд Хүн-Аалз киноны худалдаалах эрхийг хамтран эзэмшихээр болсон. Үүний дагуу Хүн-Аалзын шинэ дүрийг танилцуулж, “Marvel Cinematic Universe” нэгджээ. “Хүн-Аалз: Буцах Замгүй” киноноос өмнө 2021 оны хамгийн их орлоготой киногоор MGM-ээс бүтээсэн Жеймс Бонд гол дүр нь “007:No Time To Die” кино байсан. “007: No Time To Die” кино цар тахлын хугацаанд 740 сая долларын орлого олсон байна. 

Зургийн эх сурвалж: Sony pictures