Зууны шилдэг аймшгийн цувралын үргэлжлэл... “Scream”

2022-01-11 23:21:16

“Scream” цуврал нь анх 1996 онд үзэгчдийн хүртээл болж байсан, түүнээс хойш 2011 онд 4-р анги гарч дэлхий дахинаас нийт 680 сая долларын орлого олж, үзэгчдийн хайр хүндэтгэлийг хүлээсэн аймшгийн киноны франчайз юм. Нийтлэг байдлыг эвдэж, шинэлэг хэв маягаараа нэг үеийг байлдан дагуулж байсан, 1972 онд гарсан “The Exorcist” киноноос хойш аймшгийн киногоор анх удаа Умард Америкт 100 сая долларын орлого олж, Холливудын аймшгийн киноны төрлийг дахин сэргээсэн цуврал билээ. Аймшгийн киноны шинэ давлагааг үүсгэгч “Scream” кино нь өнгө үзэмж, стиль имиж болон бүх дүрүүд нь сэжигтэн байж болох сонирхолтой түүхийг өөртөө агуулснаараа үзэгчдийн төсөөллөөс давсан бүтээл болж чадсан. Энгийн аймшгийн байдлыг давж, залуу нас, уянгын халил, хачин жигтэй явдал, айдас, хошин шог гэх зэргийг агуулснаар тэргүүлэх аймшгийн киноны шинэ дүрмийг тогтоосон бөгөөд цаг үеэс түрүүлсэн алдартай аймшгийн кино билээ. 

Энэ цаг үед шинэ түүхийг эхлүүлэх “Scream” нь “Ready or Not” киногоор олны хайр хүндлэлийг хүртсэн Мэтт Беттинелли, Тайлер Жиллетт нар найруулжээ. Цувралын гол дүр болох Сидни Прескоттын дүрийг Нив Кэмпбелл, Гейлийн дүрийг Кортни Кокс, Дуайтын дүрийг Дэвид Аркетт нар бүтээсэн байна. Олон нийтэд цацагдсан албан ёсны постер дахь сүнсний багтай хүний төрхийг харахад баяртай байгаа хэдий ч, “Хэнд ч итгэж болохгүй” гэсэн гүн утга агуулгатай үгээр багны цаана хэн байгаа бол, үүнтэй холбоотой ямар нууц байгаа бол гэдэг нь үнэхээр сонирхол төрүүлж байна. Ялангуяа өмнөх ангиас дутахааргүй егөөдөл, овсгоо, дүрийн хувиргалт зэрэг нь үнэхээр хүлээлт үүсгэж байна.  

“Scream” кино 2022 оны 1-р сарын 14-ний өдөр нээлтээ хийнэ. 

Зургийн эх сурвалж: Paramount pictures