“Uncharted” Том Холланд, 30 метрын өндөрт зураг авалт хийсэн нь “Амьдралын минь хамгийн хүнд зураг авалт байсан” хэмээжээ

2022-02-14 13:30:09

Найруулагч Рубен Флейшерны “Uncharted” кино бодит тулалдааныг үзүүлсэн Том Холландын өөрийн тоглосон хэсгийг анх удаа олон нийтэд дэлгэжээ. “Uncharted” нь дэлхийг өөрчлөх эрдэнэсийг хамгийн түрүүнд олох ёстой даалгаврыг авсан Нэйтэн (Том Холланд) нь үл таних ертөнцийг чиглэн аюултай хэрнээ шинэ оролдлого, сонголтыг харуулсан тулаант, адал явдалт кино юм. Том Холланд “Uncharted” кинонд жүжигчний амьдралынхаа хамгийн хүнд зураг авалтыг хийсэн” гээд өнөө хүртэл хэзээ ч харж байгаагүй тулалдааныг харуулах болно гэжээ. Улмаар “Том хайрцагт зүүгдэн агаарт хөөрч байгаа үзэгдлийг таван долоо хоногийн турш зургийг нь авсан” гэж хэлэн Том Холландын танилцуулгатай хамт агаар дээрх тулааны бэлтгэлийн явц, зураг авалтыг үзүүлж, гарны хөлс асгаруулам түгшүүртэй байдлыг харуулах аж. 

Кино багийнхан туршилтыг маш сайн хийж, бодитоор 30 метрын өндөрт зураг авалт хийхээр бэлтгэж, агаар дээр эргэлдэх Том Холланд ба хайрцагтай үзэгдлийг бодитоор зургийг нь авсан ба харж байгаа хэрнээ итгэж чадахгүй байсан гэж сэтгэгдлээ хуваалцжээ. Онцгойлон туршлага ур чадвар, маш их хичээл зүтгэл шаардсан бодит тулалдааныг өөрөө бодитоор хийж буй Том Холландын дүр төрхөөс үзэгчид киног хэдийнээ үзэж байгаа мэт мэдрэмжийг авах ажээ. Үүний талаар Том Холланд “Миний мэдэрсэн айдсыг энэ үзэгдлийг илүү амилуулсан гэж бодож байна” хэмээн хэлснээр хүлээлтийг илүү ихээр үүсгээд байна. 

 “Uncharted” кино 2022 оны 02 сарын 18-ны өдөр нээлтээ хийнэ. 

Зургийн эх сурвалж: Sony pictures