“Нил мөрөн дээрх үхэл” кинонд 128.54 каратын очир алмаз, 150 төрлийн хувцас гээд... үнэхээр тансаг байдлыг харуулах ажээ

2022-02-18 07:22:00

Удахгүй нээлтээ хийх гэж байгаа “Нил мөрөн дээрх үхэл” (найруулагч Кеннет Брана) кино үнэхээр тансаг байдлыг үзүүлнэ гэдгээ трейлэрээрээ харуулжээ. Харийн орон мэт Египетийн байгалийн үзэмж, сүрдмээр тансаг продакшн гээд үнэхээр үзүүштэй гэдгээр анхаарал татаж байгаа “Нил мөрөн дээрх үхэл” кинонд онцгой зүйлс үзэгчдийн сонирхлыг татах ажээ. 128.54 каратын "Тиффанигийн алмаз" -ыг зөвхөн “Нил мөрөн дээрх үхэл” киноны гол дүрд зориулж бүтээсэн ба тэрхүү очир алмазны үнэхээр тансаг гэдгийг дэлгэцээр харах аж. Т

иффани алмаз нь дэлхий дээр хамгийн том, гайхалтай шар алмаз гэж тооцогддог ба 1877 онд олдсоноос хойш 82 төрлөөр хувирсан очир алмаз юм. Тус кинонд өв залгамжлагч бүсгүй “Линнетт” нь хуримын ёслолд зүүж ирэн хуримд уригдан ирсэн зочдын атаархлыг төрүүлэх ба хүн амины цуврал аллага болж, тус хэргийг үйлдэх болсон гол сэжүүр болон чухал үүргийг гүйцэтгэдэг.

Киноны дүр бүр үзэгчдийн сэтгэлийг ихээр татах ба мөн тэдний хувцаслалт нь үнэхээр анхаарлыг татах ажээ. “Les Miserables”, “The Danish Girl” киногоор 85, 88 дахь удаагийн Академийн шилдэг хувцас номинацад нэр дэвшиж байсан “Пако Делгадо” болон түүний удирдсан чадварлаг уран бүтээлчдээс бүрдсэн баг бүрэлдэхүүн нийт хувцасны 92% буюу 150 төрлийн хувцсыг гараараа урлажээ. “Пако Делгадо” нь энгийн нэг хувцас урлаагүй, тэрээр эрин үеийн түүх, дүрүүдийн зан чанар, хүсэл эрмэлзэл зэргийг бодолцон урласан ажээ.

“Пако Делгадо бол мэдрэмжтэй, өвөрмөц хувцсыг урлаж, жүжигчдээс хайр хүндлэлийг авсан” гэж “Кеннет Брана” хэлсэн байна. “Нил мөрөн дээрх үхэл” кинонд шинэхэн хосыг суулгасан Египетийн Нил мөрөн дэх тансаг усан онгоцонд хүн үхэж, мөрдөгч Эркюль Пуаро мөрдлөгийг хүлээн авсан боловч, дахин хүн амины хэрэг гарснаар зорчигчид бүгд цочролд орж, эмх замбараагүй байдал үүсдэг тухай өгүүлэх ажээ. Агата Кристигийн бичсэн ижил нэрт шилдэг борлуулалттай эх зохиолоор бүтээжээ. 

“Нил мөрөн дээрх үхэл” кино 2022 оны 02 сарын 25-ны өдөр нээлтээ хийнэ. 

Зургийн эх сурвалж: 20th century fox