Том Холланд, Хүн-Аалз → Ангууч... аалзны торгүйгээр ч бас чадвартай гэдгээ харуулсан эрч хүч

2022-02-23 02:57:50

Холливудын жүжигчин Том Холланд “Uncharted” (найруулагч Рубен Флейшер) киногоор олон янзын тулаант хэсгийг хийн гүйцэтгэж, Хүн-Аалзаас өөр дүрийг ч бас бүтээх чадвартай гэдгээ нотолжээ. “Uncharted” нь дэлхийг өөрчлөх эрдэнэсийг хамгийн түрүүнд олох ёстой даалгаврыг авсан Нэйтэн (Том Холланд) нь үл мэдэгдэх ертөнцийг чиглэн аюултай хэрнээ шинэ оролдлого, сонголтыг харуулсан тулаант, адал явдалт кино юм.

Үнэ цэнэд хүрсэн барааг нарийн мэдэж байгаа ой тогтоолт, эрдэнэсийн эрэлч Виктор Сулли (Марк Уолберг)-тэй уулзаж, хамт эрдэнэсийн эрэлд гарах ба хөгжилтэй хэрнээ анхаарлаа сайн төвлөрүүлэхийг хослуулан, өмнөхөөсөө илүү нарийн тодорхой байдлыг харуулсан нь анхаарал татаж байна. Баатрын дүрийг бүтээж, ихэнхдээ цэнхэр дэлгэцийн өмнө жүжиглэдэг байсан Том Холланд нь “Uncharted” кинонд бодитоор location болон set зураг авалтыг хийж, тулааны Ноу-Хауны хүрээгээ дахин өргөжүүлж чаджээ. 

Том Холланд “Ийм том хэмжээний киног бүтээхэд ер нь цэнхэр дэлгэцийн урд жүжиглэдэг. Харин “Uncharted” киноны хувьд Рубен Флейшер найруулагч бодит газар нь байгаа мэт мэдрэмжийг өгөх ёстой гэж хэлсэн. Тиймд бодитоор кино зураг авах зориулалттай байгууламжийг барьж, сүм, газар доорх тахилын газар, эрдэнэсийн усан онгоц зэргийг бүгдийг нь бодитоор хийсэн” гэж кино бүтээх явцын дүрс бичлэгт дэлгэсэн байна.

Хүн-Аалзын зэвсэг болох аалзны торгүйгээр ч бас өвөрмөц онцгой залуугийн дүр төрх, бодит байдалд илүү ойртсон нарийн жүжиглэлтээр өөрийн хамгийн сайн тулааныг шинээр харуулсан Том Холландын “Uncharted” кино яг одоо кино театруудад гарч байна. 

Зургийн эх сурвалж: Sony pictures