Марвелын хүчирхэг эсрэг дүрийн баатар “Морбиус”-ын гайхалтай чадварууд...

2022-03-22 02:54:41

“Морбиус” кино нь цусны тун ховор өвчтэй биохимич Морбиус(Жаред Лето) цус сорогч сарьсан багваахайг ашиглан эмчлэх эм шинээр гаргах явцад дэлхийг аварч ч болох, эсвэл устгаж ч болох гайхалтай хүч чадалтай болж өрнөх үйл явдлыг дүрсэлсэн тулаант блокбастер кино юм. Гол дүр Морбиус нь өнөөг хүртэл харж байгаагүй өвөрмөц хүч чадалтай эсрэг дүрийн баатар байх бөгөөд кинонд дурлагсдын сонирхлыг маш ихээр төрүүлж байна. Эмчлэх эм шинээр гаргах явцад өөрөө ч хянаж чадахгүй ер бусын хүч чадал, хурдтай болдог.

Сарьсан багваахайн нисэх чадвар, дуу чимээгээр байршил тодорхойлох чадвартай болдог ажээ. Ийм чадвартай Морбиус нь өмнөх баатруудад байгаагүй шинэ чадвар, тэрхүү чадвараар тулалдах тулаан нь үнэхээр их хүлээлт үүсгэж байна. Кино багийнхны хэлснээр, Морбиус нь сагсан багваахайнууд бие биерүүгээ хэрхэн довтолдгийг ажиглан гаргасан тулааны хэв маягийг харуулах ажээ.

Мөн тулааны найруулагч Гари Поуэлл “Морбиус нь амьтан шиг хэсэг хэсгээр тастаж чадах сарвуутай учир гайхалтай нударган зодооныг харуулахаас илүүтэй түлхүү сарвууг ашиглана” гэж хэлсэнчлэн, Морбиус нь төсөөлшгүй хүч чадал, эрч хүчийг хайр найргүй гаргаж, юунд ч торохгүйгээр төрөл бүрийн тулааныг харуулах ажээ.

Жаред Лето нь тулааны урлаг, нударган зодоон зэрэг төрөл бүрийн спортоор хичээллэж, илүү өргөн цар хүрээтэй тулалдааныг харуулах Морбиус байхаар тууштай бэлдэж иржээ. Онцгойлон нүдээр харж гүйцэхгүй хурд, дуу чимээ ашиглах чадварыг илэрхийлэхийн тулд удаан цагаар торон дээр тулалдах гэх зэрэг биеэ хайрлалгүйгээр хормын төдийд харцыг эзэмдэх тулалдааныг бүтээжээ.

Түүнээс гадна усан онгоц, эмнэлэг, метро, хот гэх зэрэг олон газарт өрнөх тулалдаан нь гарын хөлс асгаруулахаар түгшүүртэй байна гэсэн хүлээлтийг үүсгээд байна. Морбиусын онцгой чадварыг олон нийтэд дэлгэж, ширүүн тулалдаан, үзэгдлийг харуулах “Морбиус” кино 2022 оны 04 сарын 01-ний өдөр нээлтээ хийнэ.

Зургийн эх сурвалж: Sony pictures