Крис Прэтт “Юрийн Галавын Ертөнц: Ноёрхол”, “Thor: Love and Thunder” кинонуудаар энэ зун кино театруудыг эзэгнэнэ

2022-05-29 17:30:57

Кино түүхийг өөрчилсөн “Юрийн Галав” цувралын сүүлчийн анги, дэлхийн блокбастер кино “Юрийн Галавын Ертөнц: Ноёрхол”-д Овэн Грэйдийн дүрийг жүжигчин Крис Прэтт бүтээсэн. Түүний өөр дур булаам байдлыг харах “Thor: Love and Thunder” кино мөн удахгүй нээлтээ хийж байгаа нь шуугиан тариад байна. “Юрийн Галавын Ертөнц: Ноёрхол” кино нь дэлхийгээр нэг тархсан үлэг гүрвэлүүдээс болж хүн төрөлхтөн урьд хожид үзээгүй аюултайгаа нүүр тулдаг. Дэлхийд ноёрхлоо тогтоох хүн, үлэг гүрвэлийн сүүлийн тулааныг харуулах блокбастер юм. 

Овэн Грэйди өмнөх “Юрийн Галавын Ертөнц” кинонд цэцэрлэгт хүрээлэнгийн үлэг гүрвэл сургагчийн дүрийг бүтээж, алиа хошин, дур булаам байдлыг харуулж, тэрээр тус дүрээрээ олны хайр хүндлэлийг хүртээд байгаа. Тус кинонд Исла Нублар арлын галт уул дэлбэрсний дараа дэлхийгээр тархсан үлэг гүрвэлүүдтэй амьд үлдэх тулаан өрнүүлж байсан тэрээр аюулд орсон анд нөхөр Бльюгийнхээ төлөө аюултай нүүр тулахад бэлэн гэдгээ илэрхийлсэн нь сонирхлыг татах ба өмнөх цувралаас харж байгаагүй тулааныг ч бас харуулах нь ихээхэн хүлээлт үүсгээд байна. Мөн олон нийтэд цацагдсан бичлэгт “Энэ ангийг бүтээхийн төлөө өнөөг хүртэл ажилласаар ирсэн” гэж хэлсэн нь энэхүү бүтээл дахин кино түүхийн шинэ хуудсыг бичих болов уу гэлтэй.  

2022 оны 07 сард нээлтээ хийх “Thor: Love and Thunder” киноноос мөн түүнийг харах юм. Тус кино нь Марвелын баатар Торын 4 дэх бүтээл юм. Энэ удаагийн бүтээлд онцгойлон өндөр нарийвчлалтай, гайхалтай тулааныг харуулснаар үзэгчдийн тус киног үзэх хүслийг улам бадруулж байна. Олон нийтэд цацагдсан трэйлерээс Крис Прэттийн бүтээсэн “Star-Lord”-ийг харах боломжтой ба Тортой хэрхэн гар нийлэх вэ гэдэг нь сонирхол татаж байна. 

“Thor: Love and Thunder” кино 2022 оны 07 сарын 06-ны өдөр нээлтээ хийнэ.