"Суман Галт Тэрэг" кино жүжигчид Брэд Питт, ...
2022-08-06 14:43:50
“Суман галт тэрэг” кино нь захиалгат даалгавар биелүүлэхийн тулд суман галт тэрэгт суусан Шүрэн цох (Брэд Питт), өндөр түвшинд бэлтгэгдсэн хөлсний алуурчдын ширүүн тулааныг өгүүлсэн тулаант блокбастер кино юм. Өнөө цагийн Холливудын дур булаам бүсгүйчүүдийн нэг Жоуи Кинг тус кинонд тоглож, хөлсний алуурчны дүрд хэрхэн хувирах нь үзэгчдэд хүлээлт үүсгээд байна. Зорилгоо биелүүлэхийн тулд ямар ч хамаагүй арга, хэрэгслийг ашигладаг догшин ширүүн Принц нь Шүрэн цох (Брэд Питт)-ийн захиалгат даалгаварт овжин аргаар саад хийхийн зэрэгцээ дур булаам байдлаараа киног чимэх ажээ.
Аарон Тейлор Жонсон, Брайан Тайри Хенри нар ихэр хөлсний алуурчид болох Жүрж, Нимбэгийн дүрийг бүтээсэн нь сонирхол татаж байна. Аарон Тейлор Жонсон нь “Tенет”, “Авенжерс: Ультроны эрин үе”, “Кингсмен: Хааны албат” зэрэг олон блокбастер кинонд тоглосон олонд танигдсан жүжигчин билээ. Тэрээр “Eternals” киноны Фастосын дүрийг бүтээсэн Брайан Тайри Хенритэй хамт “Суман галт тэрэг” кинонд хүйтэн хөндий хөлсний алуурчдын дүрийг бүтээжээ. Хоорондоо огт төсгүй хэр нь ихэр гэж дуудагдах тус хоёр жүжигчин багийн төгс ажиллагаагаар Шүрэн цоход асар их аюулыг учруулах болно. Тэдний бусдыг өөртөө татах гайхалтай тулаан нь маш их хүлээлт үүсгэж байна.
“Суман галт тэрэг” кино 2022 оны 08 сарын 12-ны өдөр кинотеатруудад нээлтээ хийнэ.
