Марвелын 4-р фаз “Black Panther: Wakanda Forever”-ээр дуусч, 5, 6-р фазийн дарааллыг олон нийтэд дэлгэжээ
2022-08-09 10:17:20
Марвел студи 4-6 фазийг албан ёсоор “The Multiverse SAGA” гэж нэрлэж, цаашид хэрхэн үргэлжлэхийг олон нийтэд дэлгэжээ. Марвел студи 2022 оны 7-р сарын 23-ны өдөр Америкийн Сан-Диегод нээгдсэн “San Diego Comic-Con International 2022”-ын үеэр кино театр болон Дисней пласаар нээлтээ хийхээр төлөвлөж байгаагаа MCU танилцуулсан байна. Марвелын захирал Кевин Файгигийн хэлснээр 2022 оны 08 сарын 18-ны өдөр Дисней пласаар “She-Hulk: Attorney at Law” нээлтээ хийж, “Black Panther: Wakanda Forever” 2022 оны 11-р сарын 11-ний өдөр нээлтээ хийснээр MCU-ийн 4-р фаз нь дуусаж, 4-6 фазийн “The Multiverse SAGA”-ийн аялал “Avengers: Secret Wars”-оор дуусна. “Ant-Man and the Wasp: Quantumania” Умард Америкт 2023 оны 02-р сарын 17-ны өдөр нээлтээ хийснээр 5-р фаз эхэлнэ.
Ник Фьюри, Мария Хилл нар гол дүрд нь тоглосон Дисней пласын шинэ цуврал “Secret Invasion” (2023 оны хавар) нь ирэх жилийн эхний хагаст гарна. “Ахмад Марвел”-ын Скралл овог шиг харь гарагийн тухай өгүүлэх ажээ. Улмаар Гаморагийн түүх, пуужин бүтсэн нууц зэрэг Галактикийн хамгаалагч багийн гишүүдийн тухай “Галактикийн хамгаалагчид Vol.3” (2023 оны 05-р сарын 05-ны өдөр) нээлтээ хийнэ.
Зун нь сонсголын бэрхшээлтэй баатар “Echo”, “Loki 2”, мөн цус сорогчийн ангуучийн тухай өгүүлэх “Blade” кино нээлтээ хийнэ. Жүжигчин Пак Со Жүний тоглох Ахмад Марвелын 2 дахь цуврал “The Marvels” (2023 оны 07-р сарын 28-ны өдөр) мөн нээлтээ хийх ажээ. “Black Panther: Wakanda Forever” киноны трэйлерт гарсан Рири Уильямс нь соло кино “Ironheart” (2023 оны намар)-аар үзэгчидтэй уулзана. Вандагаас Даркхолдыг булаан авсан шулам Агатагийн тухай “Agatha: Coven of Chaos” (2023 оны өвөл)-д өгүүлэх ажээ.
“Хүн Аалз: Буцах замгүй” кинонд богино боловч хүчтэй сэтгэгдлийг үлдээсэн харааны бэрхшээлтэй өмгөөлөгч Мэтт Мёрдок нь “Daredevil: Born Again” (2024 оны хавар)-аар MCU-д албан ёсоор нэгдэнэ. Шинэ Ахмад Америк болох Сэм Уилсон, өвлийн цэргийн тухай өгүүлэх “Captain America: New World Order” 2024 оны 05-р сарын 03-ны өдөр нээлтээ хийнэ. Харин хорон санаатнуудын Авенжерс болох “Thunderbolts” (2024 оны 07-р сарын 26-ны өдөр)-оор 5-р фаз дуусна.
2024 оны 11-р сарын 28-ны өдөр “Fantastic 4”-өөр эхлэх 6-р фазийн төлөвлөгөөг олон нийтэд дэлгэсэн. Авенжерс 5, 6-ийн нэрийг “Avengers: The Kang Dynasty” (2025 оны 05-р сарын 02-ны өдөр), “Avengers: Secret wars” (2025 оны 11-р сарын 07-ны өдөр) тус тус нэрлэхээр болжээ.
Зургийн эх сурвалж: Disney
